Gwybodaeth Sector

Gan gyfuno arbenigedd eang o’r sector a mynediad at asedau gwybodaeth marchnad perchnogol, mae’r Tîm Gwybodaeth Sector yn cefnogi’r gwaith o chwilio am gynnyrch a thechnegau arloesol mewn ymateb i heriau gofal iechyd penodol. 

Rydym ni’n cydweithio â gweithwyr proffesiynol ym maes arloesi ar draws y sectorau iechyd a gofal cymdeithasol i ganfod a brysbennu technolegau newydd a allai drawsnewid y farchnad.  

Mae’r Tîm Gwybodaeth Sector yn defnyddio arbenigedd mewnol a’i rwydwaith ehangach o arbenigwyr i gynnig cefnogaeth gydag amrywiaeth o heriau technegol penodol y gallech chi eu hwynebu wrth arloesi. Mae hyn yn cynnwys diogelu ac erlyn Eiddo Deallusol, canllawiau ynglŷn â llwybrau rheoleiddio clinigol, a modelu economaidd ym maes iechyd. 

Fel corff hyd braich o Lywodraeth Cymru, rydym ni mewn sefyllfa dda i weithredu fel brocer niwtral wrth ddod â grwpiau rhanddeiliaid amrywiol at ei gilydd i fynd i’r afael â’r heriau sy’n ymwneud ag arloesi clinigol. 

Rydym ni’n cynnig amrywiaeth o wasanaethau, sy’n cynnwys: 

• Cyfeirio cynlluniau cyllido priodol ar gyfer prosiectau arloesi ym maes iechyd a gofal cymdeithasol drwy ein perthynas â Llywodraeth Cymru a chyllidwyr eraill. 
• Cefnogi’r gwaith o ysgrifennu cynigion, cyflwyniadau ymarfer a chyfweliadau. 
• Defnyddio ein cysylltiadau agos â’r gymuned Cyfalaf Menter i roi arweiniad i fusnesau bach a chanolig ac arloeswyr ar barodrwydd i fuddsoddi, cynllunio busnes a gwneud ceisiadau am fuddsoddiad.  
• Casglu rhestr helaeth o gyfleoedd cyllido. 

Mae’r Tîm Gwybodaeth Sector yn eich helpu i ddadansoddi deinameg y farchnad gofal iechyd yng Nghymru, yn y DU ac yn rhyngwladol er mwyn canfod cryfderau, bylchau a chyfleoedd sy’n dod i’r amlwg yn y sector. 

Mae’r holl alluoedd a amlinellir uchod yn caniatáu i’r Tîm Gwybodaeth Sector gefnogi eich gwaith o baratoi achosion busnes o safon lywodraethol sydd wedi’u hanelu at sbarduno prosiectau arloesi ar hyd y llwybr datblygu tuag at ei fabwysiadu’n glinigol yn eang.