Lleoliad: Bae Caerdydd
Yn atebol i: Rheolwr Rhaglen, EIDC
Cyflog: £35,000-£40,000
Tymor: Mae'r penodiad yn amodol ar dderbyn cyllid gan Lywodraeth Cymru mewn perthynas â chyflawni rhaglen Ecosystem Iechyd Digidol Cymru.
Gwybodaeth am y rôl
Rydyn ni'n chwilio am reolwr prosiect profiadol i ymuno â'n tîm EIDC yn Hwb Gwyddorau Bywyd Cymru.
Mae’r Ecosystem Iechyd Digidol Cymru yn bartneriaeth rhwng yr Hwb Gwyddorau Bywyd Cymru a Gwasanaeth Gwybodeg GIG Cymru ac mae'n cael ei ariannu gan raglen Effeithlonrwydd drwy Dechnoleg Llywodraeth Cymru.
Mae'r rôl yn ganolog i'r gwaith o ddatblygu a chyflawni prosiectau sy'n dod â'r diwydiant, y GIG a'r byd academaidd ynghyd i gyflymu'r broses o fabwysiadu technoleg gofal iechyd digidol. Bydd rheolwr y prosiect EIDC yn ymgysylltu â rhanddeiliaid ar draws y sector er mwyn deall anghenion heb eu diwallu, nodi atebion ymarferol a dod â'r holl randdeiliaid a'r penderfynwyr perthnasol at ei gilydd i wneud newidiadau.
Fel rôl newydd, bydd y dyletswyddau a'r cyfrifoldebau penodol yn datblygu'n organig yn y tymor byr. Bydd y Rheolwr Rhaglen, EIDC a deiliad y swydd yn cytuno ar swydd-ddisgrifiad terfynol ar adeg briodol. Lawrlwythwch y swydd-ddisgrifiad llawn.Buddion
Buddion
- Amgylchedd gwaith a thîm gwych
- Gwyliau hael – 30 diwrnod o wyliau blynyddol yn ogystal â gwyliau cyhoeddus
- Wythnos 37.5 awr ar gyfer holl aelodau amser llawn y tîm
- Rhaglen Cymorth i Weithwyr a gofal llygaid
- Parcio car (yn ôl disgresiwn)
- Oriau Hyblyg
- Pensiwn
Sut i wneud cais
I wneud cais, anfonwch CV cynhwysfawr ymlaen gyda chymwysterau addysgol a phroffesiynol, hanes cyflogaeth llawn a chyflog cyfredol, yn ogystal â datganiad ategol.
Ni ddylai'r datganiad ategol fod yn fwy na dwy ochr A4. Darparwch dystiolaeth yn y datganiad o'ch addasrwydd yn erbyn y meini prawf yn y fanyleb person, esboniwch pam mae gennych ddiddordeb yn y swydd a ble y gwelsoch y swydd yn cael ei hysbysebu.
Dylid cyflwyno ceisiadau i careers@LShubwales.com.
- Dyddiad cau ar gyfer ceisiadau: 12:00, dydd Gwener 26 Mehefin 2020
- Dyddiad yr asesiad: Dydd Mercher 16 Gorffennaf 2020
I gael rhagor o wybodaeth am y rôl, gwelwch y swydd ddisgrifiad llawn isod: