Hyfforddiant a Datblygiad

Wrth i’r dirwedd arloesi barhau i esblygu, mae llwyddiant yn dibynnu ar ymrwymiad gwirioneddol i ddysgu a datblygu. Edrychwch ar rai o’r cyfleoedd isod, sydd wedi’u dylunio i arfogi cydweithwyr ar draws meysydd iechyd, gofal cymdeithasol a diwydiant â’r adnoddau a’r arbenigedd sydd eu hangen arnynt i arwain ym maes arloesi yn y gwyddorau bywyd.

Os oes gennych chi gyfle datblygu neu hyfforddi i’w rannu, cysylltwch â ni yn helo@hwbgbcymru.com.

Cyfleoedd:

Academi’r Gwyddorau Meddygol

Mae gan Academi'r Gwyddorau Meddygol bortffolio o grantiau a rhaglenni i gefnogi gyrfaoedd y genhedlaeth nesaf o ymchwilwyr biofeddygaeth ac iechyd.

Academi Tegwch Iechyd, Iechyd Ataliol a Llesiant Prifysgol Bangor

Mae'r Academi yn cynrychioli ymrwymiad sylweddol i ddatblygu tegwch iechyd, hyrwyddo lles, a hyrwyddo mesurau ataliol i gael byd iachach.

Rhaglen Enghreifftiol Bevan

Mae Rhaglen Enghreifftiol Comisiwn Bevan yn cefnogi gweithwyr proffesiynol ym maes iechyd a gofal i roi eu syniadau gwych ar gyfer gofal iechyd darbodus ar waith.

Billions Institute

Mae’r Billions Institute yn helpu asiantwyr dros newid i ddylunio ac arwain mentrau ar raddfa fawr, er mwyn iddynt allu cyfrannu’n ystyrlon at ddatrys rhai o broblemau mwyaf y byd yn ystod eu hoes.

Dragon's Heart Institute

Mae’r Dragon's Heart Institute yn rhwydwaith radical o arweinwyr sy’n arwain arloesedd, cynaliadwyedd a chydraddoldeb iechyd ar draws gwasanaethau cyhoeddus yng Nghymru a’r tu hwnt.

Gwella yw’r Porth Arweinyddiaeth sy’n cael ei reoli gan AaGIC gyda’r nod o ddarparu system hygyrch a greddfol i ddefnyddwyr, sy’n eu galluogi i gael gafael ar amrywiaeth o adnoddau arweinyddiaeth dosturiol yn rhwydd.

Addysg a Gwella Iechyd Cymru

Dyma dîm sy’n cynllunio, yn comisiynu, yn cyflwyno ac yn rheoli ansawdd addysg a hyfforddiant gofal iechyd israddedig ac ôl-raddedig. Mae hefyd yn datblygu fframweithiau ar gyfer prentisiaethau gofal iechyd mewn partneriaeth â Llywodraeth Cymru.

Academi Arwain Trawsnewidiad Digidol PDC

Nod yr Academi yw dod â chymuned o arweinwyr â ffocws digidol ac egin arweinwyr o bob rhan o iechyd, gofal cymdeithasol a'r trydydd sector ynghyd.

Incubator Arloesedd Meddygol

Mae'r Incubator Arloesedd Meddygol yn arbenigo mewn cefnogaeth wedi'i thargedu ar gyfer arloesiadau MedTech ym meysydd dyfeisiau meddygol, diagnosteg mewn-vitro ac iechyd digidol.

Mae RESILIENCE yn dod â phrif ddarparwyr hyfforddiant rhanbarthol y DU ym maes Sgiliau Gweithgynhyrchu Meddyginiaethau at ei gilydd i gyd-greu deunyddiau craidd ar gyfer hyfforddiant ac allgymorth graddadwy ar hyd a lled y DU.

Menter Ymchwil Busnesau Bach Cymru

Mae’r Fenter Ymchwil Busnesau Bach (SBRI) yn ariannu’r gwaith o ymchwilio i atebion arloesol a’u datblygu er mwyn mynd i’r afael ag anghenion nad ydynt yn cael eu diwallu ym maes iechyd, lle nad oes ateb ar gael yn rhwydd yn y farchnad.

Academi Arloesi mewn Iechyd a Gofal Cymdeithasol Prifysgol Abertawe

Mae’r Academi yn bartneriaeth amlddisgyblaethol rhwng Prifysgol Abertawe, Bwrdd Iechyd Prifysgol Caerdydd a’r Fro a Chomisiwn Bevan.

Llwyfan addysg a dysgu digidol gan Addysg a Gwella Iechyd Cymru yw’r Tŷ Dysgu. Mae’n helpu i ddarparu dysgu amlbroffesiwn ar gyfer y gweithlu iechyd a gofal yng Nghymru.

Academi Iechyd a Gofal Seiliedig ar Werth Prifysgol Abertawe

Mae'r Academi wedi'i hanelu at Arweinwyr ac Uwch Reolwyr sydd â diddordeb mewn datblygu gwybodaeth a mewnwelediad ar sut i ddatblygu ac ymgysylltu â systemau a gwasanaethau Iechyd a Gofal sy’n Seiliedig ar Werth.

Cofrestrwch i dderbyn ein cylchlythyr

Gallwch gofrestru ar gyfer ein e-gylchlythyr misol, sy’n cynnig y newyddion arloesi, digwyddiadau a chyhoeddiadau diweddaraf ym mhob rhan o’r ecosystem iechyd a gofal cymdeithasol yng Nghymru a thu hwnt.

Cofrestrwch heddiw