Mae ein tîm Partneriaethau yn gweithredu fel cynullwyr ac arweinwyr, gan helpu arloeswyr i lywio GIG Cymru, siapio partneriaethau gwerth uchel, a chefnogi twf y sector gwyddorau bywyd yng Nghymru.
Sut gallwn ni helpu?
- Cefnogi rhanddeiliaid i feithrin cydweithrediadau strategol sy’n cysylltu partneriaid yn y diwydiant gyda GIG Cymru, arbenigwyr academaidd a buddsoddwyr.
- Creu perthnasoedd sy’n llywio ymchwil, arloesedd, a datblygiad cynnyrch, wrth helpu sefydliadau i ffurfio partneriaethau tymor hir yng Nghymru a thu hwnt.
- Darparu gwybodaeth am y dirwedd drwy helpu arloeswyr i ddeall beth yw blaenoriaethau GIG Cymru, yr anghenion nad yw’n cael eu bodloni, llwybrau caffael a’r llwybrau sydd eu hangen ar gyfer gwerthuso a mabwysiadu.
- Cynnig arweiniad, cyfeiriad a broceriaeth wedi’u teilwra i helpu sefydliadau i fireinio eu syniadau, asesu cyfleoedd yn y farchnad a graddio eu datblygiadau arloesol.
Pwy sy’n gymwys i gael ein cymorth?
Rydym ni’n gweithio mewn partneriaeth â sefydliadau ac unigolion ledled Cymru sydd wedi ymrwymo i wella canlyniadau iechyd, gofal ac economaidd.
