Cyfeiriadur Arloesedd – Cymru

Mae 3D Pharma Consulting yn cefnogi cwmnïau deillio, egin fusnesau a chwmnïau gwyddorau bywyd bach gyda’u prosesau datblygu cyffuriau, gan gynnwys helpu gyda systemau cyflenwi cyffuriau, llunio, datblygu prosesau, rheoli rhaglenni clinigol a chymorth IP.

Mae AAH Pharmaceuticals yn ddosbarthwr cynhyrchion fferyllol a gofal iechyd sy’n gwasanaethu fferyllfeydd, ysbytai a meddygon ledled y wlad, a dyma’r rhwydwaith fferyllfa gymunedol a chyfanwerthwr fferyllol mwyaf yn y DU. Mae pencadlys y cwmni yn Coventry, ond mae ganddo gangen yn Abertawe.

Mae ABClonal yn gyflenwr labordai sydd wedi’i leoli ym Mhort Talbot. Mae ABClonal yn cyflenwi dros 15,000 o wrthgyrff monoclonaidd a polyclonaidd, offer bioleg foleciwlaidd, dros 1,000 o broteinau sydd wedi’u hailgyfuno, pecynnau ELISA, cyflenwadau labordy a gwasanaethau i ddatblygu deunydd crai IVD a chyflenwi cyffuriau biolegol.

Mae Abel + Imray yn atwrneiod patentau sy’n gweithio mewn amrywiaeth o sectorau, gan gynnwys y sectorau gofal iechyd, gwyddorau bywyd a fferyllol. Mae gan y cwmni swyddfa yng Nghaerdydd.

Mae Aber Instruments yn darparu atebion monitro biomas uwch ac yn grymuso cwmnïau biotechnoleg i wneud y gorau o’u prosesau. Rydym ni’n arbenigo mewn datrysiadau mesur sy’n barod i gael eu gweithgynhyrchu, ac sydd wedi'u cynllunio i gynyddu cynhyrchiant, ansawdd, ac effeithlonrwydd costau ar raddfa fawr.

Mae ein harbenigedd yn cynnwys sbectrosgopeg deuelectrig arloesol i fonitro dwysedd celloedd byw amser real, sy’n gonglfaen ar gyfer rheoli biobrosesau. Mae’r pencadlys yn Aberystwyth, ac rydym yn cefnogi cwmnïau fferyllol byd-eang gyda synwyryddion uwch a chymorth pwrpasol. Ein synwyryddion hefyd yw’r meincnod ar gyfer rheoli burum yn effeithiol yn y sector bragu rhyngwladol.

Mae’r Academi Arwain Trawsnewid Digidol ym Mhrifysgol De Cymru yn Academi Dysgu Dwys sydd â’r nod o ddod â chymuned o arweinwyr â ffocws digidol a darpar arweinwyr o bob rhan o'r sector iechyd, gofal cymdeithasol a'r trydydd sector at ei gilydd. Cydweithio ar draws y sector o ran cyfleoedd ymchwil, gwybodaeth a dysgu, datblygu dulliau atal newydd ac astudiaethau doethuriaeth sy’n seiliedig ar ymchwil i gynnal gwaith ymchwil manwl ar gyfer trosi ymchwil yn ganlyniadau atal.

Mae’r Academi Arwain Trawsnewid Digidol ym Mhrifysgol De Cymru yn Academi Dysgu Dwys sydd â’r nod o ddod â chymuned o arweinwyr â ffocws digidol a darpar arweinwyr o bob rhan o'r sector iechyd, gofal cymdeithasol a'r trydydd sector at ei gilydd. Cydweithio ar draws y sector o ran cyfleoedd ymchwil, gwybodaeth a dysgu, datblygu dulliau atal newydd ac astudiaethau doethuriaeth sy’n seiliedig ar ymchwil i gynnal gwaith ymchwil manwl ar gyfer trosi ymchwil yn ganlyniadau atal.

Mae Academi Iechyd a Gofal Seiliedig ar Werth Prifysgol Abertawe yn Academi Dysgu Dwys sy’n cynnig cyrsiau addysgol, cyfleoedd ymchwil a gwasanaethau ymgynghori ar gyfer Iechyd a Gofal Seiliedig ar Werth. Mae’r Academi yn bartner i Ganolfan Gwerth mewn Iechyd Cymru a Chynghrair yr UE ar Werth mewn Iechyd.

Mae Academi Iechyd a Gofal Seiliedig ar Werth Prifysgol Abertawe yn Academi Dysgu Dwys sy’n cynnig cyrsiau addysgol, cyfleoedd ymchwil a gwasanaethau ymgynghori ar gyfer Iechyd a Gofal Seiliedig ar Werth. Mae’r Academi yn bartner i Ganolfan Gwerth mewn Iechyd Cymru a Chynghrair yr UE ar Werth mewn Iechyd.

Mae Academi Tegwch Iechyd, Iechyd Ataliol a Llesiant Prifysgol Bangor yn Academi Dysgu Dwys (ILA), sydd wedi cael ei datblygu ar y cyd â Bwrdd Iechyd Prifysgol Betsi Cadwaladr. Mae’r Academi’n canolbwyntio ar gyflymu’r gwaith o hyrwyddo a mabwysiadu iechyd ataliol mewn ymarfer ar draws ecosystem gofal iechyd integredig (fel iechyd a gofal cymdeithasol, y trydydd sector, tai, addysg a diwydiannau gwyddorau bywyd) ac mewn cyd-destun dwyieithog. Bydd yn datblygu rhwydwaith o arweinwyr gwybodus a deinamig sy’n gallu sbarduno newid er mwyn mynd i’r afael ag iechyd a heriau cymdeithasol cysylltiedig.