Sefydliad Ymchwil

Mae'r Rhwydwaith Cenedlaethol ar gyfer Arloesedd Chwaraeon ac Iechyd (NNIISH), a arweinir gan Brifysgol Abertawe ac a ariennir gan Fargen Ddinesig Bae Abertawe, yn fenter arloesol sy'n uno iechyd, chwaraeon a thechnoleg. Mae'n cysylltu busnesau newydd, cwmnïau rhyngwladol, y byd academaidd, a'r GIG, gan feithrin arloesedd trwy gydweithredu. Mae'r rhwydwaith yn rhoi mynediad i aelodau at gyfleusterau ymchwil a datblygu blaengar, cymorth busnes, digwyddiadau, a chyfleoedd ymchwil. Gan ganolbwyntio ar hyrwyddo gofal iechyd, meddygaeth a thechnoleg chwaraeon, mae NNIISH yn creu cyfleoedd newydd i gwmnïau ac yn ysgogi newid ystyrlon mewn arloesedd chwaraeon ac iechyd. Mae aelodau'n elwa o ecosystem gydweithredol sydd wedi'i dylunio i lunio dyfodol y meysydd hyn.

Mae Biofanc Canser Cymru yn brosiect sy'n ceisio casglu samplau o waed a meinwe gan gleifion ledled Cymru sy'n cael llawdriniaeth lle mae canser yn ddiagnosis posibl. Yna gall ymchwilwyr gael mynediad at y samplau hyn ar gyfer ymchwil canser, a gall Banc Canser Cymru hefyd ddarparu gwasanaethau technegol fel creu microaraeau meinwe neu gasglu delweddau microsgop o gelloedd.

Mae Ysgol Ymchwil Rhagnodi Cymdeithasol Cymru yn cael ei harwain gan ymchwilwyr ym Mhrifysgol De Cymru, a’i nod yw ymchwilio a gwerthuso rhaglenni rhagnodi cymdeithasol.

Ariennir Parc Geneteg Cymru gan Lywodraeth Cymru drwy Ymchwil Iechyd a Gofal Cymru, ac fe’i gynhelir ym Mhrifysgol Caerdydd. Mae’r Parc Geneteg yn cefnogi ac yn hyrwyddo ymchwil genetig a genomig ledled Cymru, gan helpu i weithredu Strategaeth Genomeg ar gyfer Meddygaeth Fanwl Llywodraeth Cymru. Yn ogystal, mae'r Parc yn darparu dadansoddiad dilyniannu a biowybodeg pwrpasol i wyddonwyr ymchwil biofeddygol. Mae’n cefnogi ac yn hyrwyddo ymchwil genomeg a geneteg ledled Cymru.

Mae Canolfan Ymchwil Canser Cymru wedi'i lleoli ym Mhrifysgol Caerdydd ac fe'i hariennir gan Ymchwil Iechyd a Gofal Cymru. Mae’r ganolfan yn cefnogi ymchwil drwy ddatblygu’r strategaeth ymchwil canser ar gyfer Cymru.

Mae Tritech yn gyfleuster arloesi ym maes technoleg feddygol ym Mwrdd Iechyd Prifysgol Hywel Dda sy’n cynnig gwasanaethau i gwmnïau gofal iechyd, gan gynnwys ymchwil, gwerthuso, cyngor a mynediad at bartneriaid prifysgol.

Mae SABRE Cymru yn rhwydwaith rhyngddisgyblaethol sy'n canolbwyntio ar ymchwil sy'n gysylltiedig ag achosion o glefydau heintus.

Canolfan ymchwil sy'n canolbwyntio ar ofal sylfaenol a gofal brys, a ariennir gan Ymchwil Iechyd a Gofal Cymru er mwyn datblygu a chydlynu cynigion ymchwil a chefnogi ymchwilwyr.

Mae’r Ganolfan Ryngwladol Cydlynu Iechyd yn rhaglen waith ar gyfer Cymru gyfan sy’n dod â byrddau iechyd ac Ymddiriedolaethau’r GIG at ei gilydd i hyrwyddo a hwyluso partneriaethau iechyd rhyngwladol.

Mae Ymchwil Iechyd a Gofal Cymru yn hyrwyddo ac yn cefnogi ymchwil iechyd a gofal cymdeithasol yng Nghymru, gan gynnwys drwy gynnal cynlluniau ariannu ac ymgysylltu ag asiantaethau cyllido ar lefel y DU.