Y peth pwysicaf rydyn ni’n ei wneud yw gwrando ar y rhai sydd ar reng flaen y maes iechyd a gofal cymdeithasol. Drwy nodi eu hanghenion mwyaf hanfodol gallwn eu paru gydag arloesedd go iawn i’w datblygu, fel mai’r prosiectau sy'n cael eu datblygu yw’r rhai sy'n cael yr effaith bositif fwyaf o ran lles a ffyniant pobl Cymru.
Oherwydd bod pob sefydliad yn wahanol, rydyn ni’n defnyddio dull sydd wedi’i deilwra ar gyfer pob prosiect, drwy ddefnyddio ein profiad helaeth i helpu i ysgogi’r canlyniadau gorau. Rydyn ni yma i helpu i sbarduno cynnydd positif, ac rydyn ni’n dechrau gyda chysylltiadau i bartneriaid arloesi o ansawdd uchel, rheoli prosiectau a gwasanaethau gwerthuso i sicrhau bod popeth yn cael ei wneud i'r safon uchaf.
Mae ein tîm Deall y Sector arbenigol hefyd yn gallu cynnig mewnwelediad amhrisiadwy ar draws y tirlun arloesi, gan gynnwys sganio’r gorwel am dechnolegau newydd, adroddiadau’r farchnad, datblygu achosion busnes a chymorth ariannol.
A byddwn hefyd yn eich helpu i hyrwyddo, ehangu a dathlu’r gwaith gwych sy’n digwydd ar draws eich sefydliadau, gan helpu’r gymuned ehangach i ddeall yn well yr effaith rydych yn ei chael.
