Pwy ydym ni
Rydyn ni yma i sbarduno arloesedd ysbrydoledig mewn gwyddorau bywyd yn rheng flaen iechyd a gofal cymdeithasol yng Nghymru. Rydyn ni’n gysylltwyr, yn hwyluswyr ac yn ysgogwyr. Mae ein tîm yn gweithio fel rhyngwyneb deinamig sy'n cefnogi diwydiant, sefydliadau iechyd a gofal cymdeithasol a sefydliadau academaidd sy’n rhannu ein nod: defnyddio syniadau newydd i reoli, osgoi ac atal iechyd gwael.
Mae ein deialog agored gyda darparwyr rheng flaen yn golygu bod gennym ddealltwriaeth ddofn o'r heriau a'r blaenoriaethau mwyaf hanfodol sy'n wynebu'r sector. Ac mae ein perthynas â sefydliadau academaidd allweddol yn golygu bod mynediad at brofion ac ymchwil yn haws. Mae hynny'n golygu pan fydd arloeswyr yn troi atom, gallwn helpu i siapio eu syniadau i'w gwneud yn fwy perthnasol i ddefnyddiwr yn y pen draw. A byddwn yn mynd ag anghenion a blaenoriaethau’r rheng flaen i arloeswyr i ddatblygu pethau’n unswydd hefyd.
Rydyn ni'n dod â'r holl grwpiau hyn at ei gilydd: i wrando, rhannu ac archwilio.
Yn y bôn, rydyn ni’n paru anghenion iechyd a gofal cymdeithasol gydag arloesedd i ysgogi cynnydd, gyda’n gilydd.
Beth a wnawn
Gall arloesi mewn iechyd a gofal cymdeithasol fod yn siwrnai gymhleth a heriol, ac mae pob sefyllfa yn unigryw.
Dros amser, rydyn ni wedi datblygu prosesau effeithiol sy’n helpu ein partneriaid i oresgyn yr heriau sy’n esblygu’n barhaus ac sy’n rhan anochel o bob siwrnai arloesi, ar y ffordd tuag at ganlyniad llwyddiannus.
Rydyn ni’n cynnig profiad a chymorth sylweddol ar unrhyw adeg ar y siwrnai ddatblygu nes mae’r datblygiadau’n cael eu mabwysiadu gan y defnyddwyr yn y pen draw.
Yn y pen draw, mae hyn yn golygu iechyd a gofal cymdeithasol gwell i bobl Cymru. Mae hefyd yn golygu twf a buddsoddiad a swyddi yn y sefydliadau arloesol sy’n dewis Cymru.
Boed yn gymorth ac arweiniad ariannol, rheoli prosiectau, datblygu partneriaethau, neu unrhyw un o’n gwasanaethau cymorth penodol eraill, gallwn eich helpu.
Rydyn ni yma i helpu i’w roi ar waith.
Ymholiadau
Rydym yn croesawu arloeswyr sy’n ymrwymedig i drawsnewid gofal iechyd yng Nghymru. Rydym yn hyrwyddo atebion sy’n gwella canlyniadau cleifion ac yn hybu cynhyrchiant clinigol, gan gysylltu arloeswyr â rhanddeiliaid allweddol i sicrhau bod yr atebion cywir yn cyrraedd y bobl gywir.
Ein ffocws yw ar arloesiadau sy’n seiliedig ar dystiolaeth, yn barod i’w mabwysiadu, yn enwedig y rhai sy’n mynd i’r afael â chanser mewn canfod cynnar, diagnosis, a thriniaeth. Rydym hefyd yn cefnogi datblygiadau mewn diagnosis a thrin clefyd cardiofasgwlaidd. Cyflwynwch eich ymholiad heddiw.
