Mae’r rhaglen newydd hon ar gyfer y DU i gyd wedi’i chynllunio i hybu arloesi ym maes iechyd drwy ddod ag arloeswyr ac ymchwilwyr traws sector at ei gilydd drwy ddigwyddiadau rhwydweithio a chynllun cyllido cydweithredol.
Mae angen i ymchwilwyr, clinigwyr, rheoleiddwyr, llunwyr polisïau a chleifion a’r cyhoedd gydweithio i helpu i ddatrys heriau mawr sy’n wynebu gofal iechyd. Mae Hwb Gwyddorau Bywyd Cymru yn gweithio mewn partneriaeth ag Academi'r Gwyddorau Meddygol yn y DU i dreialu’r rhaglen i annog cydweithredu drwy ddigwyddiadau rhwydweithio. Yr hwb rhwydweithio yng Nghymru fydd y gyntaf yn y cynllun, gyda mwy o hybiau i’w sefydlu ledled y DU maes o law.
Sut bydd y rhaglen yn gweithio?
Er gwaethaf y cynlluniau symudedd traws sector presennol, mae bylchau penodol y mae angen mynd i’r afael â nhw o hyd. Bydd y rhaglen newydd hon yn ceisio hybu cysylltiadau a gweithgarwch mewn meysydd blaenoriaeth penodol i ymchwil iechyd, gan gynnwys dadansoddi data a deallusrwydd artiffisial ar gyfer genomeg, patholeg, datblygu cyffuriau a delweddu meddygol, a therapi celloedd a genynnau.
Mae’r heriau allweddol i weithio ar draws sectorau yn cynnwys:
- Diffyg cymhelliant
- Anawsterau o ran cysylltu â’r bobl a’r sefydliadau iawn
- Ychydig o gydnabyddiaeth i symudedd mewn gwerthusiadau datblygiad gyrfa
- Bylchau diwylliannol rhwng sefydliadau
- Diffyg adnoddau i gefnogi ymgysylltiad ac ôl-lenwi ymchwilwyr symudol, yn enwedig gan y GIG a busnesau bach.
Nod y rhaglen yw mynd i’r afael â’r heriau hyn drwy ddwy brif elfen:
