Mae SETsquared yn bartneriaeth rhwng prifysgolion Caerfaddon, Bryste, Caerdydd, Caerwysg, Southampton a Surrey. Mae’r bartneriaeth yn cynnig amrywiaeth o raglenni cymorth busnes sydd wedi’u hanelu at fyfyrwyr, ymchwilwyr academaidd, sylfaenwyr cwmnïau technoleg a busnesau bach a chanolig.
Mae Cardiff Edge (a reolir gan Pioneer Group) yn safle ymchwil a datblygu gwyddorau bywyd yng ngogledd Caerdydd sy’n darparu gofod labordy a swyddfeydd i gwmnïau eu rhentu.
Mae Sbarc yn barc ymchwil gwyddorau cymdeithasol ym Mhrifysgol Caerdydd ac mae'n cynnwys unedau masnachol, swyddfeydd a mannau cydweithio, labordai, mannau profi a mannau arddangos. Yn Sbarc, mae Arloesedd Caerdydd yn cynnig cymorth i gwmnïau deillio ac egin fusnesau.
Gan agor yn 2018, M-Sparc yw parc gwyddoniaeth cyntaf Cymru. Mae’r parc yn darparu lle i egin fusnesau a chorfforaethau mawr, ac mae hefyd yn darparu gwasanaethau cymorth busnes fel Cymorth Arloesi a Masnacheiddio.
Mae Tramshed Tech yn ofod cydweithio ar gyfer cwmnïau sy'n canolbwyntio ar dechnoleg. Mae Tramshed hefyd yn darparu rhaglenni i alluogi cwmnïau i gael gafael ar gyllid, recriwtio staff a chael mynediad at farchnadoedd newydd.
Mae Canolfan Dechnoleg OpTic yn darparu cyfleusterau arloesol ym maes ymchwil a datblygu ar gyfer egin fusnesau a chwmnïau yn ystod y cyfnod cynnar. Yn benodol, mae’r ganolfan yn hyb ar gyfer technoleg optoelectroneg ac arloesi gwyddonol.
Mae Sefydliad Gwyddorau Bywyd Prifysgol Abertawe yn gartref i labordai ymchwil a chyfleusterau deori busnes ar gyfer sefydliadau masnachol.
Mae Medicentre Caerdydd yn ddeorydd i egin fusnesau ym maes biotechnoleg a thechnoleg feddygol. Mae’n fenter ar y cyd rhwng Bwrdd Iechyd Prifysgol Caerdydd a’r Fro a Phrifysgol Caerdydd.
Mae ArloesiAber (sy’n rhan o Brifysgol Aberystwyth) yn cynnig cyfleusterau ac arbenigedd i fusnesau yn y sectorau biotechnoleg, technoleg amaeth, a bwyd a diod. Yn benodol, mae gan ArloesiAber bum canolfan, yn ffocysu ar fioburo, bwydydd y dyfodol, dadansoddi uwch, bio-fancio hadau ac arloesi.
