Cyfeiriadur Arloesedd – Cymru

Mae Afferent Medical Solutions yn gwmni meddygaeth bioelectroneg sy’n datblygu datrysiadau niwromodwleiddio sy’n seiliedig ar ddyfeisiau ar gyfer trin clefydau’r system gylchredol a meysydd therapiwtig eraill.

Mae Afon Technology wedi datblygu Glucowear, monitor glwcos gwaed parhaus nad yw’n fewnwthiol, y gellir ei wisgo, sy’n cysylltu â chymhwysiad symudol. Nid yw'r ddyfais wedi'i lansio eto, ond gallai fod yn addas i gleifion â diabetes fonitro lefelau glwcos eu gwaed.

Mae Agile Kinetic yn gwmni iechyd digidol yn Nhorfaen sydd wedi datblygu cyfres meddalwedd MoveLab. Mae MoveLab yn defnyddio deallusrwydd artiffisial i ganiatáu i asesiadau symud gael eu cynnal wyneb yn wyneb neu o bell, er enghraifft i asesu canlyniadau ar ôl llawdriniaeth. Gall y GIG, iechyd preifat a champfeydd ddefnyddio’r feddalwedd.

Mae Agxio yn gwmni deallusrwydd artiffisial, gwyddor data a dysgu peirianyddol sy’n arbenigo yn y diwydiannau Biotechnoleg, gwyddorau bywyd a gwyddorau amaethyddol, gan gynnwys ar gyfer dadansoddi microbïom, dylunio cyffuriau parasitoleg a dadansoddi ymddygiad anifeiliaid.

Mae Ai Healthcare yn cyflenwi offer technegol ar gyfer practisau meddygol, deintyddol a milfeddygol, gan gynnwys cyfarpar tawelyddu nwy, delweddu digidol, dadhalogi a datrysiadau llawfeddygol. Mae’r cwmni hefyd yn darparu gwasanaethau sy’n ymwneud â dylunio ac adnewyddu ystafelloedd llawfeddygol.

Mae Alesi Surgical yn datblygu ac yn masnacheiddio cynnyrch sy’n gwella diogelwch, effeithlonrwydd a chanlyniadau triniaethau llawfeddygol manwl. Sefydlwyd y cwmni fel cwmni deillio o Athrofa Therapïau Lleiaf Ymyrrol Cymru (WIMAT). Mae cynnyrch Alesi Surgical, ULTRAVISION ac ULTRAVISION2, yn lleihau mwg llawfeddygol mewn ystafelloedd llawfeddygol heb fod angen cyfnewid CO2, gan wella gwelededd, lleihau'r angen i lanhau camerâu a lleihau’r defnydd o CO2 mewn adrannau. Yn ddiweddar, mae’r cwmni wedi cael cymeradwyaeth FDA ar gyfer ULTRAVISION2.

Mae Algae Products International yn darparu cynnyrch a gwasanaethau sy'n gysylltiedig â microalgae, gan gynnwys ar gyfer y sectorau cosmetig, bwyd, amaethyddiaeth a fferyllol. Mae’r cynhyrchion a gynigir yn cynnwys cyfansoddion sy’n deillio o ficroalgae, tra bod gwasanaethau’n cynnwys ymchwil bersonol i gymwysiadau microalgae.

Mae Ambrose Healthcare yn gwmni fferyllol o Wrecsam sy’n datblygu therapïau ar gyfer clefydau prin a gofal mewn ysbytai.

Mae Ambulance CPD yn ddarparwr DPP ar gyfer staff parafeddygol ac ambiwlans.

Mae AMPED PCR yn darparu cynhyrchion PCR fel adweithyddion ar gyfer ymchwilwyr yn y meysydd Gwyddorau Bywyd a Marchnadoedd Cymhwysol.