Gofal iechyd

Mae’r Academi Arwain Trawsnewid Digidol ym Mhrifysgol De Cymru yn Academi Dysgu Dwys sydd â’r nod o ddod â chymuned o arweinwyr â ffocws digidol a darpar arweinwyr o bob rhan o'r sector iechyd, gofal cymdeithasol a'r trydydd sector at ei gilydd. Cydweithio ar draws y sector o ran cyfleoedd ymchwil, gwybodaeth a dysgu, datblygu dulliau atal newydd ac astudiaethau doethuriaeth sy’n seiliedig ar ymchwil i gynnal gwaith ymchwil manwl ar gyfer trosi ymchwil yn ganlyniadau atal.

Mae Academi Tegwch Iechyd, Iechyd Ataliol a Llesiant Prifysgol Bangor yn Academi Dysgu Dwys (ILA), sydd wedi cael ei datblygu ar y cyd â Bwrdd Iechyd Prifysgol Betsi Cadwaladr. Mae’r Academi’n canolbwyntio ar gyflymu’r gwaith o hyrwyddo a mabwysiadu iechyd ataliol mewn ymarfer ar draws ecosystem gofal iechyd integredig (fel iechyd a gofal cymdeithasol, y trydydd sector, tai, addysg a diwydiannau gwyddorau bywyd) ac mewn cyd-destun dwyieithog.

Mae Academi Iechyd a Gofal Seiliedig ar Werth Prifysgol Abertawe yn Academi Dysgu Dwys sy’n cynnig cyrsiau addysgol, cyfleoedd ymchwil a gwasanaethau ymgynghori ar gyfer Iechyd a Gofal Seiliedig ar Werth. Yr Academi yw partner academaidd y rhaglen Gwerth-mewn-Iechyd yng Nghymru ac mae’n rhan o Hyb Arloesi Byd-eang Fforwm Economaidd y Byd ar gyfer Gwerth mewn Gofal Iechyd.

Yn Hwb Gwyddorau Bywyd Cymru, rydyn ni’n sbarduno’r gwaith o ddatblygu a mabwysiadu arloesedd gwyddorau bywyd ym maes iechyd a gofal cymdeithasol yng Nghymru. Rydyn ni’n rhyngwyneb deinamig, sy’n cysylltu arloeswyr gwyddorau bywyd â phartneriaid ymchwil, cyfleoedd cyllido a defnyddwyr - timau iechyd a gofal cymdeithasol ar y rheng flaen - i gefnogi llesiant ac, yn y pen draw, creu twf, swyddi a ffyniant ledled Cymru. Mae Hwb Gwyddorau Bywyd Cymru yn cynnig cefnogaeth helaeth ar unrhyw gam ar y daith ddatblygu, hyd at y cam y bydd y defnyddiwr yn ei fabwysiadu.

Mae Science and Engineering Applications (SCIENAP) yn datblygu technoleg ddigidol mewn amrywiaeth o feysydd, gan gynnwys gofal iechyd. Mae SCIENAP wedi datblygu CHAI, platfform i weithwyr gofal iechyd gasglu a phrosesu data cleifion, y gellir ei ddefnyddio i greu cynlluniau gofal a nodiadau trosglwyddo clinigol. Mae’r cwmni hefyd wedi datblygu Care and Respond, pasbort iechyd digidol ar gyfer cleifion sydd â chyflyrau prin neu gymhleth.

Mae Medical Toolkit yn datblygu offer deallusrwydd artiffisial ar gyfer gofal iechyd, gan gynnwys offeryn prosesu iaith naturiol i ddadansoddi nodiadau meddygol a rhwydwaith niwral i ddadansoddi delweddau meddygol.

Mae PataPata yn darparu cynhyrchion gofal croen i fabanod, yn seiliedig ar waith ymchwil gan Ysgol Fferylliaeth Prifysgol Caerdydd.

Mae TB Biomedical yn ymgynghoriaeth sy’n arbenigo mewn cynghori egin fusnesau labordai meddygol a diagnostig, gan gynnwys rhoi arweiniad ar sut i sefydlu labordy, llywodraethiant a chydymffurfiaeth.

Mae Medical Systems yn gwmni meddalwedd sy’n darparu datrysiadau meddalwedd wedi’u teilwra ym maes gweinyddiaeth llawfeddygol, fel olrhain canlyniadau cleifion, digideiddio llif gwaith ac adrodd ar gydymffurfiaeth.

Mae Sports Hall Medical Supplies yn cyflenwi offer meddygol i sefydliadau chwaraeon, gan gynnwys cymorth cyntaf, rhwymynnau a chwistrellau lleddfu poen yn y cyhyrau.