Iechyd Digidol

Mae’r Academi Arwain Trawsnewid Digidol ym Mhrifysgol De Cymru yn Academi Dysgu Dwys sydd â’r nod o ddod â chymuned o arweinwyr â ffocws digidol a darpar arweinwyr o bob rhan o'r sector iechyd, gofal cymdeithasol a'r trydydd sector at ei gilydd. Cydweithio ar draws y sector o ran cyfleoedd ymchwil, gwybodaeth a dysgu, datblygu dulliau atal newydd ac astudiaethau doethuriaeth sy’n seiliedig ar ymchwil i gynnal gwaith ymchwil manwl ar gyfer trosi ymchwil yn ganlyniadau atal.

Mae UK Discovery Health yn gwmni ymgynghori sy’n darparu ymgynghoriaeth ar fynediad i’r farchnad, cynllunio strategol a masnacheiddio ar draws y sectorau gwyddorau bywyd ac iechyd digidol.

Mae Seastorm yn gwmni meddalwedd sydd wedi datblygu Trialflare, datrysiad electronig ar gyfer casglu data o dreialon clinigol, gan gynnwys cydsyniad electronig a chanlyniadau a adroddir gan gleifion.

Mae Tamarnd yn gwmni meddalwedd sydd wedi’i leoli yng Nghymru sy’n datblygu datrysiadau digidol i wella mynediad at wasanaethau gofal iechyd.

Mae Laennec AI wedi datblygu stethosgop digidol wedi'i bweru gan AI ac ap ategol y gellir ei ddefnyddio gan weithwyr proffesiynol neu gan gleifion yn eu cartrefi eu hunain. Mae’r stethosgop yn gallu dadansoddi canlyniadau’r stethosgop, a allai arwain at ddiagnosis cynharach o gyflyrau’r galon.

Mae Kelyon yn gwmni iechyd digidol yn Napoli, yr Eidal, sydd â swyddfeydd yng Nghaerdydd. Mae Keylon yn darparu arbenigedd ac arweiniad ar gyfer meddalwedd dyfeisiau meddygol, gan gynnwys modelu gwyddor data i ddatblygu modelau cefnogi penderfyniadau ac ymgynghoriaeth rheoleiddio.

Mae Afon Technology wedi datblygu Glucowear, monitor glwcos gwaed parhaus nad yw’n fewnwthiol, y gellir ei wisgo, sy’n cysylltu â chymhwysiad symudol. Nid yw'r ddyfais wedi'i lansio eto, ond gallai fod yn addas i gleifion â diabetes fonitro lefelau glwcos eu gwaed.

Mae Agile Kinetic yn gwmni iechyd digidol yn Nhorfaen sydd wedi datblygu cyfres meddalwedd MoveLab. Mae MoveLab yn defnyddio deallusrwydd artiffisial i ganiatáu i asesiadau symud gael eu cynnal wyneb yn wyneb neu o bell, er enghraifft i asesu canlyniadau ar ôl llawdriniaeth. Gall y GIG, iechyd preifat a champfeydd ddefnyddio’r feddalwedd.

Mae RWG Mobile yn rhwydwaith symudol a sefydlwyd i wasanaethu Cymru. Gan adeiladu ar y rhwydwaith hwn, lansiodd RWG iCare, rhaglen sy’n cysylltu dyfeisiau fel monitorau pwysedd gwaed a thermomedrau digidol ac sy’n caniatáu i ofalwyr fonitro cleifion yn eu cartrefi o bell.

Mae Haelu yn gwmni technoleg newydd o Gasnewydd, Cymru. Mae Haelu wedi datblygu llwyfan digidol ar gyfer gofal ataliol dan arweiniad y gymuned sy’n integreiddio data presennol i ganiatáu i weithwyr iechyd a gofal cymdeithasol nodi anghenion unigol yn y gymuned.