Mae Thermetrix wedi datblygu’r Podium System, sganiwr thermograffeg ar gyfer troed y gwadn y gellir ei ddefnyddio i ragfynegi wlser troed sydd ar ddod neu i nodi diffyg fasgwlaidd neu niwropatheg. Mae’r cwmni hefyd wedi datblygu ap ategol i weld y canlyniadau a rheoli’r thermograff.
Mae Tendertec yn gwmni iechyd digidol o Gaerdydd. Mae Tendertec wedi datblygu technolegau wedi’u pweru gan ddeallusrwydd artiffisial sy’n defnyddio caledwedd a meddalwedd i fonitro iechyd beunyddiol pobl mewn lleoliadau gofal fel cartrefi gofal.
Mae OnICs yn gwmni iechyd digidol o Gaerdydd sy’n arbenigo ym maes oncoleg. Mae OnICs wedi datblygu'r gyfres o gynhyrchion iNOTZ, sef cymwysiadau sy'n cipio data ymgynghori meddygol yn y clinig ac sy'n cynhyrchu nodyn meddygol ar gyfer yr ymgynghorydd yn awtomatig.
Mae Glucose Republic yn gwmni meddalwedd sy’n adeiladu cymhwysiad symudol sy’n galluogi pobl i fesur a rhagweld eu hymatebion metabolaidd i fwydydd gwahanol. Bydd yr ap hefyd yn darparu argymhellion i ddefnyddwyr sy’n awyddus i reoli lefelau siwgr yn eu gwaed.
Mae Forth wedi datblygu profion gwaed yn y cartref (gan gynnwys profion hormonau, maeth, ffrwythlondeb, chwaraeon ac iechyd cyffredinol) sydd wedyn yn cael eu hanfon i labordy’r GIG lle mae profion yn cael eu cwblhau. Bydd meddygon teulu Forth hefyd yn rhoi sylwadau ar y canlyniadau hyn.
Mae Denton Physio Technology yn ddarparwr gwasanaeth ffisiotherapi sy’n defnyddio synwyryddion symud 3D i ddarparu adsefydlu o bell ar gyfer cleifion ataliol, cyn ac ar ôl llawdriniaeth.
Mae Concentric Health yn gwmni meddalwedd iechyd o Gaerdydd sydd wedi datblygu datrysiad meddalwedd cydsynio digidol ar gyfer triniaethau meddygol.
Mae SymlConnect yn gwmni iechyd digidol o Abertawe sy'n datblygu meddalwedd ar gyfer cyfathrebu rhwng cleifion a chlinigwyr. Mae SymlConnect yn cynnig datrysiadau meddalwedd effeithlon ar gyfer gofal sylfaenol, gan gynnwys ymgysylltu a chyfathrebu o bell â chleifion, ymgynghoriadau all-lein ar y pwynt gofal, ac arolygon digidol SMART.
Mae GPC Systems yn gwmni meddalwedd 3D o Abertawe a gafodd ei sefydlu yn 2010. Mae GPC yn datblygu meddalwedd sy’n canolbwyntio ar ofal iechyd, gan gynnwys rhaglen symudol i fesur maint clwyfau, ap i gynorthwyo ymarferwyr cyffredinol drwy ddarparu diagnosis posibl ac ap cyfathrebu cleifion-clinigwyr.
Mae eHealth Digital Media yn gwmni iechyd digidol sydd wedi’i leoli yn Abertawe. Mae’r cwmni wedi datblygu PocketMedic, cymhwysiad symudol sy’n cynnwys llyfrgell o ffilmiau i helpu cleifion i reoli eu cyflyrau iechyd. Mae ffilmiau ar gael ar gyfer ystod o afiechydon, gan gynnwys diabetes, lymffoedema, methiant y galon, clefyd rhwystrol cronig yr ysgyfaint, ymarfer corff gyda chlefyd yr ysgyfaint, poen cronig, gwella o ganser, lles, atal briwiau pwyso, a gofal diwedd oes.
