Cyfeiriadur Arloesedd – Cymru

Mae BioPhys yn ymgynghoriaeth sy’n helpu cwmnïau dyfeisiau meddygol i ddylunio, datblygu a masnacheiddio eu cynnyrch drwy ddarparu cyngor technegol, gwyddonol a masnachol.

Mae Biotage yn gwmni gwyddorau bywyd sy’n darparu cynnyrch a gwasanaethau i gwmnïau fferyllol a labordai. Mae’r cynnyrch a ddatblygwyd gan y cwmni yn cynnwys offer llif gwaith ar gyfer synthesis a phuro peptid. Mae pencadlys Biotage yn Sweden, ac mae pencadlys y cwmni yn y DU yn Hengoed.

Mae Biovici yn datblygu dyfeisiau diagnostig Pwynt Gofal. Mae'r cwmni hefyd yn gwerthu sglodion Graphene y gellir eu defnyddio i gynhyrchu biosynwyryddion amser real a synwyryddion cemegol.

Mae Biplas yn gwmni mowldio chwistrellau meddygol sy’n cynhyrchu dyfeisiau meddygol ar gyfer triniaethau llawfeddygol a phecynnau biotechnoleg ar gyfer pecynnau profi am firysau.

Mae Blackwood Embedded Solutions yn ymgynghoriaeth dylunio ar gyfer dylunio meddalwedd ac electroneg. Mae’r cwmni’n arbenigo mewn dylunio cynnyrch ar gyfer y sector meddygol.

Mae Blake Morgan yn gwmni cyfreithiol cenedlaethol sydd ag ymrwymiad tymor hir i Gymru. Rydyn ni’n gwasanaethu entrepreneuriaid, arloeswyr, mudiadau nid-er-elw, corfforaethau, y GIG, llywodraeth ddatganoledig, llywodraeth leol a rheoleiddwyr. Mae ein tîm o gyfreithwyr gwyddorau bywyd ac iechyd yn gweithio gyda busnesau newydd, busnesau canolig a busnesau mawr gan eu helpu i fynd i’r afael â materion cyfreithiol a rheoleiddiol sy’n codi o therapïau newydd, cynnyrch meddyginiaethol, biotechnoleg, technoleg iechyd, dyfeisiau, ymchwil treialon clinigol a chynnyrch fferyllol gan gynnwys brechlynnau.  Rydyn ni’n cefnogi cleientiaid i gyflwyno eu cynnyrch i’r farchnad, yn amddiffyn eu harloesedd, yn cynnal ac yn tyfu eu busnes, ac yn cynghori ar gydweithrediadau cymhleth yn ogystal ag ymgyfreitha a gorfodi rheoleiddiol.

Mae Blizzard Protection Systems yn gweithgynhyrchu cynnyrch amddiffyn thermol fel blancedi a bagiau y gall timau gofal trawma eu defnyddio i atal hypothermia.

Mae Bloom Standard wedi datblygu dull o gynnal sganiau uwchsain awtonomaidd, di-law sy'n galluogi gweithwyr gofal iechyd proffesiynol i sgrinio babanod newydd-anedig a phlant am gyflyrau cardiaidd ac anadlol. Nid yw’r cynnyrch hwn wedi’i gymeradwyo at ddefnydd clinigol ar hyn o bryd.

Mae Blue Sky Laser Technologies yn gwmni o Abertawe sy’n arbenigo mewn cyflenwi technoleg laser. Mae Blue Sky yn cyflenwi peiriannau laser y gellir eu defnyddio’n glinigol i drin llid ar y croen.

Mae Bluebox Optics wedi datblygu'r microsgop Niji, sef microsgop LED sydd wedi'i gynllunio ar gyfer microsgopeg fflworoleuedd. Mae’r microsgop yn addas i’w ddefnyddio mewn ysbytai, y byd academaidd a chwmnïau fferyllol.