Cyfeiriadur Arloesedd – Cymru

Mae Byrddau Partneriaeth Rhanbarthol wedi cael eu sefydlu fel rhan o Ddeddf Gwasanaethau Cymdeithasol a Llesiant Llywodraeth Cymru i wella llesiant y boblogaeth a gwella sut mae gwasanaethau iechyd a gofal yn cael eu darparu yn eu rhanbarth. Mae Bwrdd Partneriaeth Rhanbarthol Gwent yn gwasanaethu’r un ardal â Bwrdd Iechyd Prifysgol Aneurin Bevan.

Mae Byrddau Partneriaeth Rhanbarthol wedi cael eu sefydlu fel rhan o Ddeddf Gwasanaethau Cymdeithasol a Llesiant Llywodraeth Cymru i wella llesiant y boblogaeth a gwella sut mae gwasanaethau iechyd a gofal yn cael eu darparu yn eu rhanbarth. Mae Bwrdd Partneriaeth Rhanbarthol Powys yn gwasanaethu’r un ardal â Bwrdd Iechyd Addysgu Powys.

Mae Calon Cardio yn gwmni dyfeisiau meddygol sydd wedi’i leoli yn Abertawe. Mae’r cwmni wedi datblygu Calon MiniVAD, pwmp gwaed bach mewnblanadwy ar gyfer trin cleifion sydd â methiant cronig uwch yn y galon, sydd ar hyn o bryd yn destun profion clinigol angenrheidiol at ddiben cymeradwyaeth reoleiddiol.

Sefydlwyd Canolfan Arloesedd Clwyfau Cymru (WWIC) i fynd i'r afael â'r heriau sy'n gysylltiedig â chlwyfau aciwt, trawmatig a chronig, nad ydynt yn gwella, a'u trin a'u hatal. Mae’r ganolfan yn darparu addysg a hyfforddiant, yn darparu ymchwil glinigol a gwasanaethau ymgynghori masnachol.

Mae ATiC (sy’n rhan o Brifysgol Cymru y Drindod Dewi Sant) yn ganolfan cefnogi ymchwil a busnes sy’n canolbwyntio ar ddatblygu technolegau cynorthwyol. Mae'r ganolfan yn cynnig mynediad at arbenigedd academaidd a chyfleusterau arloesol, gan gynnwys labordai UX a chyfleusterau prototeipio.

Mae Canolfan Dechnoleg OpTic yn darparu cyfleusterau arloesol ym maes ymchwil a datblygu ar gyfer egin fusnesau a chwmnïau yn ystod y cyfnod cynnar. Yn benodol, mae’r ganolfan yn hyb ar gyfer technoleg optoelectroneg ac arloesi gwyddonol.

Mae'r NCPHWR yn ganolfan a ariennir gan Ymchwil Iechyd a Gofal Cymru sy'n gartref i ymchwilwyr, ystadegwyr a dadansoddwyr data o brifysgolion Cymru ac Iechyd Cyhoeddus Cymru i ddeall, gwerthuso a llywio gwelliannau iechyd y boblogaeth.

Canolfan ymchwil sy'n canolbwyntio ar ofal sylfaenol a gofal brys, a ariennir gan Ymchwil Iechyd a Gofal Cymru er mwyn datblygu a chydlynu cynigion ymchwil a chefnogi ymchwilwyr.

Mae SBRI yn ariannu gwaith ymchwil a datblygu i fynd i’r afael ag anghenion sydd heb eu diwallu ym maes gofal iechyd drwy gynnal heriau penodol a chystadlaethau agored. Ariennir SBRI gan Lywodraeth Cymru ac mae’n cael ei gynnal gan Fwrdd Iechyd Prifysgol Betsi Cadwaladr. Mae SBRI yn dod â heriau’r llywodraeth a syniadau byd busnes at ei gilydd i greu datrysiadau arloesol.

Mewn lleoliad cyfleus ychydig oddi ar Gyffordd 35 coridor yr M4, mae gan Ganolfan Technoleg Sony UK ym Mhencoed dros 50 mlynedd o arbenigedd mewn cynhyrchu nwyddau electroneg. Mae eu gwasanaethau Cynhyrchu Nwyddau Electroneg ar Gontract yn cynnwys Rheoli Cadwyn Gyflenwi a datrysiadau cynhyrchu o’r dechrau i’r diwedd: o dechnoleg mowntio arwyneb, i gydosod ac uwchraddio, i ofal ar ôl gwerthu, maent yn archwilio ystod o ddiwydiannau, gan gynnwys dyfeisiau meddygol. Gyda chyfleuster ystafell lân Gradd 1000 ac arbenigedd peirianneg o safon fyd-eang, mae'r tîm yn darparu cywirdeb a rhagoriaeth ym mhob cynnyrch. Mae'r cyfleuster hefyd yn cefnogi arloesi fel gofod deori busnes, gan gynnig gofodau swyddfa ar gyfer busnesau newydd, busnesau bach a chanolig.