Cyfeiriadur Arloesedd – Cymru

Mae Clear_Pixel VR yn cynnig rhaglenni hyfforddiant gweithdrefnol sy'n seiliediag ar labordai realiti rhithwir, sy'n galluogi defnyddwyr i ryngweithio ag offer labordy mewn amgylchedd rhithwir. Yn benodol, mae Clear_Pixel VR wedi datblygu modiwlau hyfforddiant niwrowyddoniaeth i ddefnyddwyr allu ymarfer arbrofion electroffisioleg.

Mae Clinithink yn gwmni deallusrwydd artiffisial ym maes gofal iechyd, sydd wedi adeiladu’r deallusrwydd artiffisial CLiX i ddadansoddi nodiadau meddygol. Gellir defnyddio'r cymhwysiad hwn mewn sawl ffordd, gan gynnwys dadansoddi iechyd y boblogaeth, nodi clefydau prin, gwella cynhyrchiant clinigol a nodi cleifion ar gyfer treialon clinigol.

Mae CMC Consulting yn darparu cyngor datblygu masnachol i’r sectorau meddygol a gofal iechyd, gan gynnwys gwybodaeth am y farchnad, cynllunio strategol, cynllunio mynediad i’r farchnad a chyngor caffael.

Mae’r Coleg yn cefnogi meddygon o Gymru, trwy ddarparu digwyddiadau addysgol a chyfleoedd rhwydweithio, yn ogystal ag ymgyrchu dros welliannau i ofal iechyd, addysg meddygol ac iechyd cyhoeddus.

Mae Collocco Consultancy yn ymgynghoriaeth Ansawdd, Cydymffurfiaeth a Rheoleiddiol yn y sector Dyfeisiau Meddygol a Gwyddorau Bywyd. Mae gwasanaethau’r cwmni’n cynnwys helpu i weithredu systemau rheoli ansawdd, darparu hyfforddiant cydymffurfio a helpu gyda ffeilio technegol.

Comisiwn Bevan yw melin drafod iechyd a gofal fwyaf blaenllaw Cymru. Mae’r comisiwn yn dod ag arbenigwyr iechyd a gofal rhyngwladol at ei gilydd i ddarparu cyngor annibynnol ac awdurdodol i Lywodraeth Cymru ac arweinwyr y GIG yng Nghymru.

Mae Concentric Health yn gwmni meddalwedd iechyd o Gaerdydd sydd wedi datblygu datrysiad meddalwedd cydsynio digidol ar gyfer triniaethau meddygol.

Mae Continuum Blue yn gwmni datblygu technoleg sy'n canolbwyntio ar efelychiadau cyfrifiadurol ar gyfer amrywiaeth o ddiwydiannau, gan gynnwys ym maes meddygaeth a biotechnoleg. Mae efelychiadau’r cwmni wedi cael eu defnyddio i ddatblygu mewnblaniadau orthopedig ac i fodelu bioadweithyddion.

Mae ConvaTec yn gwmni technolegau meddygol sy'n canolbwyntio ar reoli cyflyrau cronig, gan gynnwys ymataliaeth a gofal critigol, gofal ostomi, dyfeisiau trwytho a gofal clwyfau uwch. Mae ei brif gynnyrch yn cynnwys gorchuddion clwyfau, cynnyrch gofal croen, setiau arllwysiad tafladwy, cathetrau wrolegol; a dyfeisiau ac ategolion ar gyfer pobl ag ostomi, ymataliaeth wrinol, anafiadau i linyn asgwrn y cefn, diabetes, wlserau, sglerosis ymledol, spina bifida ac anhwylderau eraill.

Cwmni biotechnoleg yw Copner Biotech sy’n darparu cynhyrchion a gwasanaethau ym maes meithrin celloedd 3D. Mae proses ddylunio a gweithgynhyrchu Copner yn galluogi cynhyrchu sgaffaldau meithrin celloedd i gynrychioli amodau ffisiolegol yn y corff yn well, gan ddarparu manteision arbrofol ar gyfer ymchwil mewn meysydd sy'n astudio microamgylcheddau celloedd.