Cyfeiriadur Arloesedd – Cymru

Mae Diwydiant Cymru yn cynnal fforymau arbenigol yn y sectorau awyrofod, moduro, meddalwedd a thechnoleg. Mae’r fforymau hyn yn darparu ystod o wasanaethau i gefnogi cwmnïau sydd eisoes wedi’u sefydlu yng Nghymru, yn ogystal â cheisio denu cwmnïau i Gymru.

Mae Drumlord yn gwmni Prototeipio Cyflym arbenigol sy’n defnyddio technolegau Argraffu 3D, Gweithgynhyrchu Ychwanegion a Chastio Gwactod i gefnogi arloesedd, datblygu cynhyrchion newydd a gweithgynhyrchu cyfaint isel ar draws y sector meddygol.

Mae DTR Medical yn wneuthurwr dyfeisiau meddygol sy’n cynnig offer llawfeddygol untro. Mae'r cwmni'n cynnig cynnyrch ym meysydd gynaecoleg, niwrolawdriniaeth, offthalmeg, yr ên a’r wyneb, y glust, y trwyn a'r gwddf, llawfeddygaeth gyffredinol, ac orthopaedeg.

Mae Dynamic Extractions yn gwmni deillio llwyddiannus o Brifysgol Brunel (sydd wedi’i leoli yn Nhredegar erbyn hyn). Cafodd ei sefydlu i fasnacheiddio’r dechnoleg Cromatograffaeth Gwrthgerrynt Hydrodynamig (HdCCC) a ddatblygwyd gan Sefydliad Biobeirianneg Brunel (BIB). Mae gan y dechnoleg y potensial i gael ei ddefnyddio ym maes sgrinio trwybwn uchel ar gyfer darganfod cyffuriau a datblygu prosesau mewn defnydd masnachol ar raddfa fawr.

Mae E2L yn gwmni dylunio a gweithgynhyrchu peirianneg cynhyrchion electronig. Mae gan y cwmni ddwy adran, gydag un yn canolbwyntio ar ddylunio caledwedd electronig a meddalwedd wedi’i fewnosod, a’r llall sy’n gweithgynhyrchu ac yn marchnata ei gynnyrch ei hun. Mae’r cwmni wedi datblygu sawl cynnyrch yn y diwydiant gofal iechyd, gan gynnwys offer hyfforddi ac offer ar gyfer gofal dementia.

Mae Eakin Surgical yn wneuthurwr offer llawfeddygol untro. Mae’r cynhyrchion yn cynnwys gefel, bachau, tiwbiau ac offer sugno.

Mae EcoCognito yn wasanaeth Ymgynghori Cynaliadwy sy’n defnyddio Deallusrwydd Artiffisial a datrysiadau technolegol eraill i fynd i’r afael â’r heriau sy’n codi ym maes iechyd, gofal a'r amgylchedd. Mae’r gwasanaeth ar gael i gwsmeriaid yng Nghymru a chwsmeriaid rhyngwladol. Maent yn cynghori ar faterion sy’n ymwneud ag arloesi technoleg feddygol newydd a gwell, yn ogystal â defnyddio polisïau â chynnal ymchwil wyddonol er mwyn rhoi hwb i gydlyniant cymdeithasol.

Mae eHealth Digital Media yn gwmni iechyd digidol sydd wedi’i leoli yn Abertawe. Mae’r cwmni wedi datblygu PocketMedic, cymhwysiad symudol sy’n cynnwys llyfrgell o ffilmiau i helpu cleifion i reoli eu cyflyrau iechyd. Mae ffilmiau ar gael ar gyfer ystod o afiechydon, gan gynnwys diabetes, lymffoedema, methiant y galon, clefyd rhwystrol cronig yr ysgyfaint, ymarfer corff gyda chlefyd yr ysgyfaint, poen cronig, gwella o ganser, lles, atal briwiau pwyso, a gofal diwedd oes.

Mae EKF Diagnostics yn gwmni diagnosteg in vitro sy'n dylunio, datblygu, gweithgynhyrchu a marchnata dadansoddwyr pwynt gofal i fesur haemoglobin, HbA1c a glwcos at ddiben sgrinio a monitro clefydau, yn ogystal â chynhyrchu dyfeisiau labordy, profion a deunyddiau traul. Mae gan EKF hefyd uned gweithgynhyrchu dan gontract ar gyfer cynhyrchion diagnostig newydd.

Mae Energist, sy’n is-gwmni Energist Medical Group, yn gwmni dyfeisiau meddygol sy’n dylunio, gweithgynhyrchu a marchnata NeoGen Plasma, technoleg plasma nitrogen ar gyfer y farchnad esthetig meddygol. Gellir defnyddio’r dechnoleg i drin cyflyrau ar y croen megis ceratosis a chreithiau acne.