Cyfeiriadur Arloesedd – Cymru

Mae Freudenberg Performance Materials yn gwmni tecstilau sy’n cynhyrchu ac yn marchnata cynnyrch heb ei wehyddu. Mae’r cwmni wedi datblygu datrysiadau gofal clwyfau gan ddefnyddio’r deunyddiau hyn, yn ogystal â chyfarpar diogelu personol fel mygydau wyneb. Mae gan y cwmni safle yng Nglynebwy.

Mae FRIO wedi datblygu waledi meddyginiaeth patentedig a waledi oeri inswlin. Gan ddefnyddio crisialau a ddatblygwyd yn arbennig sy'n trawsnewid yn jel oer pan gaiff ei actifadu gan ddŵr, mae modd defnyddio prosesau anweddu i ailwefru waledi FRIO yn llawn ac atal yr inswlin, a sawl meddyginiaeth arall sy'n sensitif i dymheredd, rhag dirywio.

Mae Frontier Medical yn ddarparwr dyfeisiau meddygol ar gyfer datrysiadau gofal briwiau pwyso, gan gynnwys arwynebau cynnal, unedau troi cleifion, tiwbiau anadlu a dodrefn.

Mae Gatehouse ICS yn ymgynghoriaeth ymchwil i’r farchnad a datblygu busnes yn y diwydiannau fferyllol, biotechnoleg, technoleg feddygol a diagnosteg.

Mae Global Welsh yn darganfod ac yn dathlu cyflawniadau a llwyddiant Cymru lle bynnag y maen nhw’n digwydd yn y byd, ac yn ysbrydoli’r genhedlaeth nesaf o arweinwyr, arloeswyr ac anturiaethwyr yng Nghymru.

Mae Glucose Republic yn gwmni meddalwedd sy’n adeiladu cymhwysiad symudol sy’n galluogi pobl i fesur a rhagweld eu hymatebion metabolaidd i fwydydd gwahanol. Bydd yr ap hefyd yn darparu argymhellion i ddefnyddwyr sy’n awyddus i reoli lefelau siwgr yn eu gwaed.

Mae GAD Cymru yn cael ei gynnal gan Fwrdd Iechyd Prifysgol Aneurin Bevan er mwyn darparu goruchwyliaeth a chyfeiriad i ofal a alluogir gan dechnoleg yng Nghymru drwy weithio gyda sefydliadau i ddylunio a darparu gwasanaethau sy’n gallu diwallu anghenion defnyddwyr yn well drwy dechnoleg.

Nod cyffredinol Tenovus yw nodi cyfleoedd i ariannu ymchwil o ansawdd uchel i ganserau mawr sy'n effeithio ar ddynion, menywod a phlant. Yn ogystal, nod Tenovus yw darparu cymorth ariannol seicolegol, seicogymdeithasol ac ymarferol i bobl sy'n cael eu heffeithio gan ganser, i addysgu a chodi ymwybyddiaeth o faterion canser ymhlith y cyhoedd a gweithwyr gofal iechyd proffesiynol.

Mae Gofal Cymdeithasol Cymru yn rheoleiddio’r gweithlu gofal cymdeithasol yng Nghymru, yn ogystal â darparu arweinyddiaeth ac arbenigedd cenedlaethol ym maes gofal ac ymchwil cymdeithasol a blynyddoedd cynnar.

Mae GoggleMinds yn datblygu rhaglenni hyfforddi ar gyfer myfyrwyr gofal iechyd a gweithwyr proffesiynol y gellir eu darparu drwy VR neu liniaduron. Mae'r rhaglenni hyfforddi yn cwmpasu arbenigeddau clinigol, gan gynnwys meddygaeth, nyrsio, llawfeddygaeth a phroffesiynau perthynol i iechyd.