Cyfeiriadur Arloesedd – Cymru

Sefydliad ymchwil ym Mhrifysgol Caerdydd yw DECIPHer ac mae’n cael ei ariannu gan Ymchwil Iechyd a Gofal Cymru. Mae DECIPHer yn dod ag arbenigwyr o amrywiaeth o ddisgyblaethau ynghyd i fynd i’r afael â materion iechyd y cyhoedd fel deiet a maeth; gweithgarwch corfforol; a thybaco, alcohol a chyffuriau, gan ganolbwyntio’n benodol ar ddatblygu a gwerthuso ymyriadau a fydd yn cael effaith ar iechyd a lles plant a phobl ifanc.

Mae Dementia UK yn darparu cymorth dementia arbenigol i deuluoedd drwy wasanaeth Nyrs Admiral. Mae Nyrsys Admiral yn gweithio ochr yn ochr â theuluoedd, gan roi’r cymorth un-i-un, arweiniad arbenigol ac atebion ymarferol sydd eu hangen arnyn nhw. Mae Dementia UK hefyd yn rhedeg Admiral Nursing Direct, llinell gymorth gyfrinachol am ddim i unrhyw un sydd â phryderon am ddementia.

Mae Denton Physio Technology yn ddarparwr gwasanaeth ffisiotherapi sy’n defnyddio synwyryddion symud 3D i ddarparu adsefydlu o bell ar gyfer cleifion ataliol, cyn ac ar ôl llawdriniaeth.

Diabetes UK yw’r brif elusen ar gyfer pobl â
diabetes yn y DU, sy’n hyrwyddo hawliau unigolion â diabetes i sicrhau eu bod yn derbyn y safonau gofal iechyd y maen nhw'n eu haeddu. Mae'r sefydliad yn darparu gwybodaeth a chymorth i bobl â diabetes a'u gofalwyr, tra hefyd yn ariannu ymchwil feddygol hanfodol i'r cyflwr.

Mae Digital Health Labs yn ymgynghoriaeth ymchwil sy'n arbenigo mewn ffarmacoepidemioleg, economeg iechyd ac ymchwil ar ganlyniadau.

Mae Direct Healthcare Group yn wneuthurwr dyfeisiau meddygol sy’n canolbwyntio ar atal wlserau pwyso, gwella clwyfau a datrysiadau trin cleifion yn ddiogel.

Mae Diurnal yn gwmni fferyllol sy’n datblygu prosesau therapiwteg hormonau i gynorthwyo triniaeth ar gyfer cyflyrau endocrinaidd prin a chronig, gan gynnwys Gordyfiant Uwcharennol Cynhenid, Diffyg Uwcharennol, Hypogonadiaeth ac Hypothyroidedd.

Mae Diwydiant Cymru yn cynnal fforymau arbenigol yn y sectorau awyrofod, moduro, meddalwedd a thechnoleg. Mae’r fforymau hyn yn darparu ystod o wasanaethau i gefnogi cwmnïau sydd eisoes wedi’u sefydlu yng Nghymru, yn ogystal â cheisio denu cwmnïau i Gymru.

Mae Drumlord yn gwmni Prototeipio Cyflym arbenigol sy’n defnyddio technolegau Argraffu 3D, Gweithgynhyrchu Ychwanegion a Chastio Gwactod i gefnogi arloesedd, datblygu cynhyrchion newydd a gweithgynhyrchu cyfaint isel ar draws y sector meddygol.

Mae Drumlord yn gwmni Prototeipio Cyflym arbenigol sy’n defnyddio technolegau Argraffu 3D, Gweithgynhyrchu Ychwanegion a Chastio Gwactod i gefnogi arloesedd, datblygu cynhyrchion newydd a gweithgynhyrchu cyfaint isel ar draws y sector meddygol.