Cyfeiriadur Arloesedd – Cymru

Mae Great Bear Healthcare yn cynhyrchu cynnyrch ymataliaeth. Mae cynnyrch Great Bear yn cynnwys bagiau coes, bagiau nos untro a bagiau nos y gellir eu hailddefnyddio, sylwedd tynnu glud, weips sy’n creu mur, gweiniau, cathetrau sy’n aros yn eu lle, a bagiau draenio.

Mae Grove Nanomaterials yn gwmni deillio o labordy Nanoddeunyddiau Prifysgol Abertawe. Mae'r cwmni wedi caffael 3 phatent o'r brifysgol, ac mae'n bwriadu cyflenwi ei dechnoleg gweithgynhyrchu a nanoronynnau i gwsmeriaid diwydiannol, gan gynnwys cwmnïau ym meysydd gwyddoniaeth ffisegol, cemegol, biolegol a pheirianneg. Mae meysydd cymhwyso posibl yn cynnwys mewn catalyddion, synwyryddion, theranosteg a deunyddiau newydd.

Mae Gwalia Healthcare yn wneuthurwr ac yn gyflenwr cynwysyddion a chaeadau gradd fferyllol. Mae adran dyfeisiau meddygol y cwmni yn gweithgynhyrchu cydrannau ac yn cydosod dyfeisiau.

Mae'r Gwasanaethau Biodechnoleg Canolog yn gyfleuster technoleg ym Mhrifysgol Caerdydd sy'n cynnig mynediad at gyfleusterau a gwasanaethau ymchwil gwyddorau bywyd, gan gynnwys dadansoddi cellog, profion mynegiant protein a dadansoddi genomig.

Mae Gweithrediaeth GIG Cymru yn swyddogaeth gymorth genedlaethol sy’n darparu arweinyddiaeth a chyfeiriad strategol i drawsnewid gwasanaethau clinigol yn unol â blaenoriaethau a safonau cenedlaethol. Mae’r sefydliad yn dwyn ynghyd nifer o unedau a oedd gynt yn annibynnol, gan gynnwys Gwelliant Cymru.

Mae GX yn ymgynghoriaeth dylunio cynnyrch sy’n cynnig gwasanaethau i’r sectorau meddygol a gwyddorau bywyd i ddatblygu cynnyrch fel dyfeisiau diagnostig ac offerynnau labordy.

Mae Haelu yn gwmni technoleg newydd o Gasnewydd, Cymru. Mae Haelu wedi datblygu llwyfan digidol ar gyfer gofal ataliol dan arweiniad y gymuned sy’n integreiddio data presennol i ganiatáu i weithwyr iechyd a gofal cymdeithasol nodi anghenion unigol yn y gymuned.

Mae Haemoflow yn datblygu cynnyrch i gefnogi pobl sydd â chlefyd yr ysgyfaint neu ddifrod i'r ysgyfaint. Ar hyn o bryd, Haemair Ltd sy’n berchen yn llwyr ar Haemaflow, ond mae’n masnachu’n annibynnol. Mae cynnyrch Haemaflow yn cynnwys pwmp gwaed curiadol, dyfeisiau i wella trallwysiad gwaed, rheomedr pwynt gofal i asesu tuedd y gwaed i geulo a dadansoddwr di-gyswllt i bennu crynodiad rhywogaethau o fewn cymysgeddau nwy neu hylifau wedi’u hydoddi heb gymryd sampl.

Mae Haemair yn ddatblygwr dyfeisiau meddygol sy'n canolbwyntio ar ofal gwaed a'r ysgyfaint. Mae’r cynhyrchion a ddatblygwyd gan Haemair yn cynnwys system Cynnal Bywyd allgorfforol, ocsigenydd gwaed cryno, pwmp gwaed curiadol haemolysis isel a dyfais ar gyfer trin cydafiacheddau Syndrom Trallod Resbiradol Aciwt ac Anaf Aciwt i’r Arennau.

Gwneuthurwr a chyflenwr offer amddiffyn a meddygol yw Hardshell. Mae’r cwmni’n darparu cyfarpar diogelu personol (PPE) fel mygydau a menig, ac mae hefyd yn darparu gwasanaethau cynllunio mynediad i’r farchnad i gwmnïau fferyllol.