Cyfeiriadur Arloesedd – Cymru

Mae Intelligent Ultrasound yn datblygu offer meddalwedd dadansoddi delweddau clinigol sy'n seiliedig ar ddeallusrwydd artiffisial i labelu'r anatomeg a welir mewn delweddau uwchsain yn awtomatig. Mae'r cwmni hefyd yn darparu efelychwyr dysgu dwfn a hyfforddiant uwchsain uwch ar gyfer obstetreg, cardiaidd, ysgyfaint, pwynt gofal, hyfforddiant uwchsain trawsweiniol a thrawsabdomenol.

Mae Invacare yn gwmni offer meddygol sy’n datblygu, yn gweithgynhyrchu ac yn dosbarthu cynhyrchion ar gyfer gofal nad yw’n acíwt, fel y marchnadoedd gofal iechyd yn y cartref a gofal tymor hir. Mae’r cynhyrchion a gynigir yn cynnwys cadeiriau olwyn, dyfeisiau ar gyfer gofalu am friwiau pwyso, ac offer byw’n annibynnol.

Mae IO Biotech yn gwmni biofferyllol sy'n datblygu brechlyn canser sy'n addasu imiwnedd yn erbyn melanoma a thiwmorau solet. Mae pencadlys y cwmni yn Denmarc, er bod ganddo safle yn ne Cymru sy’n canolbwyntio ar sicrhau ansawdd.

Mae Ipsen yn gwmni biofferyllol sy’n datblygu ac yn masnacheiddio cynhyrchion fferyllol ym meysydd Oncoleg, Clefyd Prin a Niwrowyddoniaeth. Lleolir pencadlys datblygu a gweithgynhyrchu Ipsen yn Wrecsam, ac mae’n gyfrifol am ddatblygu a gweithgynhyrchu cynnyrch niwrotocsin.

Cwmni dyfeisiau meddygol sy’n cynnig endosgopau hyblyg, untro yw IQ Endoscopes. Mae’r cwmni’n bwriadu cyflwyno ystod lawn o endosgopau GI rhwng 2024 a 2025.

Ymgynghoriaeth dylunio peirianneg sy’n canolbwyntio ar gynnyrch yw Iterate Design & Innovation, sydd wedi’i leoli yng Nghymru a Llundain. Mae Iterate wedi dylunio sawl dyfais feddygol, gan gynnwys dyfeisiau y gellir eu gwisgo, dyfeisiau diagnostig a deunydd pecynnu dyfeisiau geneuol.

Mae Jellagen yn gwmni biotechnoleg sydd wedi’i leoli yng Nghaerdydd. Mae’r cwmni’n arbenigo mewn datblygu colagen gradd ymchwil sy’n deillio o sglefrod môr. Mae gan colagen sglefrod môr nifer o gymwysiadau posibl mewn gwyddoniaeth a meddygaeth, gan gynnwys cynhyrchu sgaffaldiau orthopedig, gorchuddion clwyfau a sgaffaldiau celloedd ar gyfer meithrin celloedd a therapi celloedd.

Mae Jiva wedi datblygu platfform deallusrwydd artiffisial a dysgu peirianyddol y gellir ei ddefnyddio i ddatblygu systemau deallusrwydd artiffisial ar gyfer amrywiaeth o gymwysiadau, gan gynnwys ym maes gofal iechyd. Gan ddefnyddio’r platfform, mae Jiva wedi creu meddalwedd diagnostig ar gyfer canser y prostad a chlefyd yr afu, ac ar hyn o bryd mae’n ymgysylltu â chwmnïau fferyllol a busnesau bach a chanolig ar gyfer awtomeiddio cyffredinol a chydnabod patrymau.

Mae JR Biomedical yn gwmni biotechnoleg sydd wedi’i leoli yng Nghanolfan OpTIC, Llanelwy, y Deyrnas Unedig, sy’n arbenigo mewn dylunio, datblygu a dosbarthu diagnosteg, gan gynnwys ymchwil, ELISAs a diagnosteg glinigol.

Mae Just Life Sciences yn ymgynghoriaeth recriwtio arbenigol ym maes gwyddorau bywyd yng Nghaerdydd.