Cyfeiriadur Arloesedd – Cymru

Mae Logic Software yn gwmni datblygu meddalwedd pwrpasol yn Nhonysguboriau, Pont-y-clun. Mae Logic Software wedi gweithio gyda’r GIG i greu datrysiadau fel cronfeydd data cleifion a systemau hysbysu apwyntiadau.

Mae Lubas Medical yn ddarparwr hyfforddiant arbenigol ar gyfer CPR, AED ac argyfyngau meddygol.

Mae M&M Medical yn darparu gwasanaethau dylunio, gosod a chynnal a chadw nwy meddygol a labordy.

Gan agor yn 2018, M-Sparc yw parc gwyddoniaeth cyntaf Cymru. Mae’r parc yn darparu lle i egin fusnesau a chorfforaethau mawr, ac mae hefyd yn darparu gwasanaethau cymorth busnes fel Cymorth Arloesi a Masnacheiddio.

Mae Magpie Concept yn asiantaeth Cyfathrebu Meddygol sy’n arbenigo yn y diwydiant fferyllol. Mae’r cwmni hefyd wedi datblygu llwyfannau ar-lein y gellir eu cynnig i gwmnïau i rannu cynnwys meddygol a chasglu adborth.

Mae Magstim yn datblygu ac yn gweithgynhyrchu cynnyrch niwroysgogi uwch ar gyfer trin anhwylderau nerfol ac anhwylderau’r ymennydd, e.e. anhwylder iselder difrifol (MDD). Mae portffolio cynnyrch y cwmni yn cynnwys cynhyrchion niwromodwleiddio, gan gynnwys ysgogyddion magnetig trawsgreuanol (TMS), coiliau ysgogi magnetig, ac ategolion fel cap cleifion.

Elusen yn y DU yw Marie Curie sy'n
ymroddedig i ofalu am bobl â salwch angheuol, drwy ddarparu gofal arbenigol ar gyfer y rhai â salwch angheuol, helpu a chefnogi teuluoedd a gofalwyr y rhai â salwch angheuol, ymchwilio i’r ffyrdd gorau o ofalu am y rhai â salwch angheuol, ac ymgyrchu dros y rhai â salwch angheuol i allu marw yn eu dewis le.

Mae Mariposa Therapeutics yn gwmni deillio o Neem Biotech sy'n canolbwyntio ar ddatblygu therapïau ar gyfer clefydau sy'n gysylltiedig â ceratin. Yn dilyn astudiaethau cyn-glinigol, mae Mariposa yn datblygu rhaglen arweiniol i fynd i dreialon clinigol i drin Epidermolysis bullosa simplex.

Mae Markes yn wneuthurwr offer sbectrometreg cromatograffaeth nwy y gellir eu defnyddio mewn labordai amgylcheddol, bwyd a chlinigol.

Mae Maruthi Quality Management Services yn darparu amrywiaeth o wasanaethau i ddatblygwyr Dyfeisiau Meddygol, gan gynnwys cyngor rheoleiddio, Gweithredu System Rheoli Ansawdd a chyngor ar Eiddo Deallusol.