Cyfeiriadur Arloesedd – Cymru

Mae Jiva wedi datblygu platfform deallusrwydd artiffisial a dysgu peirianyddol y gellir ei ddefnyddio i ddatblygu systemau deallusrwydd artiffisial ar gyfer amrywiaeth o gymwysiadau, gan gynnwys ym maes gofal iechyd. Gan ddefnyddio’r platfform, mae Jiva wedi creu meddalwedd diagnostig ar gyfer canser y prostad a chlefyd yr afu, ac ar hyn o bryd mae’n ymgysylltu â chwmnïau fferyllol a busnesau bach a chanolig ar gyfer awtomeiddio cyffredinol a chydnabod patrymau.

Mae JR Biomedical yn gwmni biotechnoleg sydd wedi’i leoli yng Nghanolfan OpTIC, Llanelwy, y Deyrnas Unedig, sy’n arbenigo mewn dylunio, datblygu a dosbarthu diagnosteg, gan gynnwys ymchwil, ELISAs a diagnosteg glinigol.

Mae Just Life Sciences yn ymgynghoriaeth recriwtio arbenigol ym maes gwyddorau bywyd yng Nghaerdydd.

Mae Kairos Biotech yn gwmni cam cynnar sydd wedi’i leoli yn Llanelwy, Sir Ddinbych, sy’n canolbwyntio ar ddarganfod moleciwlau bach perchnogol sy’n berthnasol i ddiagnosteg ac imiwnotherapi. Mae Kairos Biotech yn datblygu llif o foleciwlau bach ar gyfer imiwnotherapi a diagnosteg y genhedlaeth nesaf, a'i nod yw gwella opsiynau trawsblannu trwy gael gwared ar rwystrau rhag trawsblannu.

Kaydiar, cwmni dyfeisiau meddygol sy'n arbenigo mewn trosglwyddo technoleg y gellir ei gwisgo ar gyfer anafiadau cyhyrysgerbydol, doluriau a briwiau pwyso. Dim ond yn ddiweddar y mae’r cwmni wedi lansio ei gynnyrch cyntaf i’r farchnad drwy Boots, NHS ac Amazon, ac mae bellach yn cydweithio â’r FTSE 100 o safbwynt ei ail gynnyrch. Yn ogystal, mae'r cwmni wedi bod yn ffodus i ennill IUK Smart 2024 sy’n cael ei ddefnyddio i sbarduno ei dechnoleg thermo-gyfansawdd arloesol y gellir ei gwisgo ar gyfer y diwydiant meddygol.

Mae Kelyon yn gwmni iechyd digidol yn Napoli, yr Eidal, sydd â swyddfeydd yng Nghaerdydd. Mae Keylon yn darparu arbenigedd ac arweiniad ar gyfer meddalwedd dyfeisiau meddygol, gan gynnwys modelu gwyddor data i ddatblygu modelau cefnogi penderfyniadau ac ymgynghoriaeth rheoleiddio.

Mae Kidney Research UK yn ariannu a chyflwyno ymchwil, sy'n achub bywydau, i glefydau'r arennau, gyda'r nod o wella triniaethau i bobl â chlefydau'r arennau a gwella ansawdd eu bywyd a chynyddu ymwybyddiaeth o iechyd yr arennau.

Mae Kinderkey yn dylunio, yn cynhyrchu ac yn cyflenwi gwelyau arbenigol ar gyfer oedolion a phlant ag anghenion arbennig.

Mae Kingston Medical Equipment and Garments (KMEG) yn fusnes teuluol yn ne Cymru, ac mae’n arbenigo mewn cynhyrchu dillad meddygol, gan gynnwys sgrybs, gynau meddygol a chotiau labordy.

Mae Kinsetsu wedi datblygu llwyfan Ktrack sy’n caniatáu i sefydliadau weld data sy’n ymwneud â’u gweithrediadau. Mae Ktrack yn cael ei farchnata ar gyfer sawl diwydiant, gan gynnwys ym maes gofal iechyd, lle gellir defnyddio Ktrack i olrhain asedau fel dyfeisiau ac offer.