Cyfeiriadur Arloesedd – Cymru

Mae Labco yn gweithgynhyrchu ffiolau gwydr wedi'u capio â sgriwiau sy'n cael eu defnyddio mewn protocolau profi labordy, gan gynnwys ar gyfer profi samplau o nwyon a hylifau ym maes gofal iechyd.

Mae SMTL yn rhan o Bartneriaeth Cydwasanaethau GIG Cymru (NWSSP) ac mae’n darparu ystod o wasanaethau profi dyfeisiau meddygol a biolegol i GIG Cymru i helpu gyda chaffael.

Mae Laennec AI wedi datblygu stethosgop digidol wedi'i bweru gan AI ac ap ategol y gellir ei ddefnyddio gan weithwyr proffesiynol neu gan gleifion yn eu cartrefi eu hunain. Mae’r stethosgop yn gallu dadansoddi canlyniadau’r stethosgop, a allai arwain at ddiagnosis cynharach o gyflyrau’r galon.

Mae Laser Micromachining yn darparu gwasanaethau gweithgynhyrchu i amrywiaeth o ddiwydiannau, gan gynnwys y sector meddygol a gwyddorau bywyd. Mae technoleg y cwmni wedi cael ei defnyddio mewn dyfeisiau meddygol ac offer Biotechnoleg.

Mae Leanvation yn cynhyrchu menig llawfeddygol latecs a di-latecs.

Mae Learna yn ddarparwr diplomâu ôl-raddedig gofal iechyd, cyrsiau Meistr ac MBA ar-lein. Mae Learna wedi'i leoli yng Nghaerdydd, ac yn cyflwyno eu rhaglenni ar y cyd â Phrifysgol De Cymru a Phrifysgol Buckingham.

Mae LibaMed yn blatfform iechyd digidol sy’n helpu clinigwyr yn y DU i gyfeirio cleifion at ysbytai arbenigol achrededig dramor pan nad oes triniaeth ar gael drwy’r GIG, neu pan fo’r claf eisoes yn cael gofal y tu allan i’r GIG. Mae angen clinigydd sydd wedi’i ddilysu gan y Cyngor Meddygol Cyffredinol ar bob atgyfeiriad, ac ni all cleifion atgyfeirio eu hunain. Mae’r tîm tramor yn dychwelyd adroddiad clinigol strwythuredig i’r clinigydd yn y DU o fewn pum diwrnod gwaith. Nid yw teuluoedd yn talu dim i LibaMed, a datgelir unrhyw gomisiwn gan ddarparwyr. Mae LibaMed wedi cofrestru gyda Swyddfa’r Comisiynydd Gwybodaeth (ZC220043).

Mae LimestoneGrey yn ymgynghoriaeth arbenigol ym maes credyd treth ymchwil a datblygu, sy'n gweithio'n agos gyda chwmnïau gwyddorau bywyd, technoleg feddygol a biotechnoleg ledled y DU, gan feithrin perthnasoedd cryf a darparu dull personol, wedi'i deilwra o lywio drwy ryddhad treth ar gyfer ymchwil a datblygu. Fel ymgynghoriaeth hynod brofiadol sy'n cael ei rheoleiddio'n llawn, rydym yn cyfuno arbenigedd technegol â dealltwriaeth ddofn o'r dirwedd ymchwil a datblygu, gan sicrhau bod pob hawliad yn gadarn ac yn cydymffurfio.

Mae Lion Laboratories yn gwmni yn y Barri sy’n arbenigo ym maes dadansoddi alcohol mewn anadl. Mae Lion Laboratories yn creu cynhyrchion sy’n cael eu defnyddio mewn practis cyffredinol, i drin alcoholiaeth a damweiniau ac achosion brys, at nifer o ddibenion, gan gynnwys rhoi diagnosis gwahaniaethol o goma, monitro coma ac anafiadau i’r pen, ymchwilio i achosion damweiniau ac osgoi rhyngweithiadau cyffuriau-alcohol a allai fod yn beryglus.

Mae Llesiant Delta Wellbeing wedi datblygu Delta CONNECT, gwasanaeth teleofal a ariennir gan Lywodraeth Cymru sy’n cael ei gynnig ar draws maes gofal cymdeithasol yn Sir Gaerfyrddin, Ceredigion a Sir Benfro. Mae’r llwyfan yn cynnwys gwasanaethau fel asesiad llesiant, cymorth llesiant, pecynnau cymorth gofal wedi’u hwyluso gan dechnoleg (TEC) a gwasanaeth ymateb cymunedol.