Cyfeiriadur Arloesedd – Cymru

Mae Haemair yn ddatblygwr dyfeisiau meddygol sy'n canolbwyntio ar ofal gwaed a'r ysgyfaint. Mae’r cynhyrchion a ddatblygwyd gan Haemair yn cynnwys system Cynnal Bywyd allgorfforol, ocsigenydd gwaed cryno, pwmp gwaed curiadol haemolysis isel a dyfais ar gyfer trin cydafiacheddau Syndrom Trallod Resbiradol Aciwt ac Anaf Aciwt i’r Arennau.

Gwneuthurwr a chyflenwr offer amddiffyn a meddygol yw Hardshell. Mae’r cwmni’n darparu cyfarpar diogelu personol (PPE) fel mygydau a menig, ac mae hefyd yn darparu gwasanaethau cynllunio mynediad i’r farchnad i gwmnïau fferyllol.

Mae Health & Her yn darparu atchwanegiadau maethol i fenywod sy’n dioddef o’r menopos neu’r peri-menopos. Mae gan Health & Her hefyd gymhwysiad symudol sy’n cynnwys traciwr symptomau ac adnoddau dysgu.

Mae Healthcare Matters yn cyflenwi cymhorthion ac offer gofal iechyd yn Wrecsam. Mae cynnyrch y cwmni yn cynnwys systemau trosglwyddo cleifion, cadeiriau ysbyty a chadeiriau llawfeddygol, gwelyau cadair a chymhorthion sefyll.

Mae Heor yn gwmni ymgynghori annibynnol sy’n arbenigo mewn modelu economeg iechyd, ymchwil i ganlyniadau, dadansoddi ystadegol, mynediad i’r farchnad, a chyfleu gwerth.

Mae Holtain yn cyflenwi offerynnau anthropometrig.

Mae Homeglow wedi creu B-Warm, gorchudd sedd wedi’i wresogi sydd wedi’i gynllunio ar gyfer cleifion sy’n cael eu rhyddhau o’r ysbyty, fel y rheini sydd â phroblemau symudedd a'r rheini sy’n dioddef o wynegon.

Mae Hospital Innovations yn cyflenwi cynnyrch arbenigol i'w defnyddio mewn llawdriniaethau orthopedig a llawdriniaethau cywiro. Mae ei bortffolio cynnyrch yn cynnwys alografftiau, alografftiau deintyddol, a chynnyrch meddygol chwaraeon.

Corfforaeth o Japan yw Hoya sy’n cynhyrchu cynnyrch optegol, gan gynnwys sbectolau llygaid ac endosgopau meddygol. Mae gan Hoya safle yn Wrecsam sy’n cynhyrchu ac yn cyflenwi lensys offthalmig.

Mae Hugh James yn gwmni cyfreithiol gwasanaeth llawn yn y DU, ac mae ei bencadlys yng Nghaerdydd. Mae ein cyfreithwyr Gofal Iechyd arbenigol yn gweithredu ar ran darparwyr gofal iechyd preifat a chyhoeddus, banciau a sefydliadau ecwiti preifat. Mae ein profiad yn cwmpasu gwyddorau bywyd, technoleg feddygol, fferylliaeth fanwerthu, cartrefi gofal, deintyddiaeth, gofal cymdeithasol a gofal arbenigol, gan gefnogi cleientiaid ar bob cam - o newydd-ddyfodiaid i'r farchnad hyd at weithredwyr sefydledig. Rydyn ni’n cynnig gwasanaeth di-dor, traws-ddisgyblaethol, gan roi cyngor ar faterion gweithredol o ddydd i ddydd hyd at drafodion strategol uchel eu gwerth. Mae ein dull cydweithredol sy'n canolbwyntio ar fasnachu yn helpu cleientiaid gwyddorau bywyd i arloesi, tyfu a gweithredu'n llwyddiannus mewn amgylchedd cystadleuol sy'n cael ei reoleiddio'n helaeth.