Cyfeiriadur Arloesedd – Cymru

Mae staff a gwirfoddolwyr Cymdeithas
Alzheimer yn darparu gwasanaethau i bobl sy'n cael eu heffeithio gan ddementia, gan gynnwys gofal dydd a gofal cartref, gwasanaethau cymorth a gwasanaethau cyfeillio ledled Cymru, Lloegr, Guernsey, Ynys Manaw a Gogledd Iwerddon. Mae’r elusen yn darparu gwybodaeth a hyfforddiant, ac ymchwil, tra’n ymgyrchu dros hawliau pobl â dementia a’r rhai sy’n gofalu amdanyn nhw.

Cangen Gymreig y Gymdeithas Alzheimer's
yw Cymdeithas Alzheimer's Cymru, sy'n darparu gwasanaethau i bobl sy'n cael eu heffeithio gan ddementia, gan gynnwys gofal dydd a gofal cartref, gwasanaethau cymorth a gwasanaethau cyfeillio. Mae’r elusen hefyd yn darparu cyllid ymchwil ac yn ymgyrchu dros hawliau pobl â dementia a’r rhai sy’n gofalu amdanyn nhw.

Mae Cymdeithas Gofal Dwys Cymru yn gymdeithas o weithwyr proffesiynol ym maes gofal dwys sy’n cynnal cynadleddau blynyddol ac yn cydlynu archwiliadau cenedlaethol a phrosiectau ymchwil.

Cymdeithas MND yw’r unig elusen genedlaethol yng Nghymru, Lloegr a Gogledd Iwerddon sy’n ymroddedig i wella gofal a chymorth i bobl sy'n cael eu heffeithio gan MND, ariannu a gwella ymchwil, ac ymgyrchu a chodi ymwybyddiaeth fel bod cymdeithas yn mynd i’r afael ag anghenion pobl â MND.

Mae Cymorth Canser Macmillan yn bodoli i helpu i wella bywydau pobl sydd wedi'u heffeithio gan ganser - y rhai sydd â chanser a'u teuluoedd, gofalwyr a chymunedau. Maen nhw'n ffynhonnell o gymorth, gan helpu unrhyw un sydd wedi'u heffeithio gan ganser i lywio drwy'r system i gael yr hyn sydd ei angen arnyn nhw, a grym ar gyfer newid, gan weithio i wella gofal canser.

Mae Cymru Healthcare yn cyflenwi cynnyrch gofal iechyd, gan gynnwys cyfarpar diogelu personol, nwyddau traul meddygol, offer gofalu am glwyfau a chyfarpar meddygol.

Mae Cyngor Cyllido Addysg Uwch Cymru (CCAUC) yn gorff cyhoeddus sy’n gweithredu rhwng Llywodraeth Cymru a darparwyr addysg uwch. Mae CCAUC yn rheoleiddio lefelau ffioedd mewn addysg uwch, yn craffu ar berfformiad prifysgolion Cymru, ac yn darparu cyllid ar gyfer addysgu, ymchwil ac arloesedd.

Mae’r Cynllun Sbarduno Amddiffyn a Diogelwch yn gyllidwr arloesedd gan lywodraeth y DU ar gyfer Amddiffyn a Diogelwch. Ein nod yw canfod ac ariannu arloesedd y gellir manteisio arno er mwyn sicrhau dyfodol mwy diogel. Mae gennym amrywiaeth o gyllid i gyflymu syniadau o unrhyw sector er budd Amddiffyn a Diogelwch. Rydyn ni eisiau syniadau gan amrywiaeth eang o arloeswyr ac mae gennym dîm o bartneriaid arloesi, o bob cwr o’r DU, sydd yma i helpu i arwain y rheini sydd â diddordeb yn y cyllid sydd ar gael.

Mae’r Cynllun Sbarduno Amddiffyn a Diogelwch yn gyllidwr arloesedd gan lywodraeth y DU ar gyfer Amddiffyn a Diogelwch. Ein nod yw canfod ac ariannu arloesedd y gellir manteisio arno er mwyn sicrhau dyfodol mwy diogel. Mae gennym amrywiaeth o gyllid i gyflymu syniadau o unrhyw sector er budd Amddiffyn a Diogelwch. Rydyn ni eisiau syniadau gan amrywiaeth eang o arloeswyr ac mae gennym dîm o bartneriaid arloesi, o bob cwr o’r DU, sydd yma i helpu i arwain y rheini sydd â diddordeb yn y cyllid sydd ar gael.

Mae Cytiva yn ddarparwr technolegau a gwasanaethau sy’n datblygu ac yn cyflymu’r gwaith o ddatblygu, cynhyrchu a darparu therapiwteg, gan gynnwys biotherapiwteg, therapïau celloedd a genynnau a therapiwteg mRNA. Arferai Cytiva fod yn rhan o GE Healthcare Life Sciences ac mae’n weithredol mewn 40 o wledydd. Mae cyfleuster gweithgynhyrchu Cytiva yng Nghaerdydd yn cynhyrchu technolegau biobrosesu untro a ddefnyddir i wneud brechlynnau a chynhyrchion biofferyllol.