Cyfeiriadur Arloesedd – Cymru

Mae Celtic SMR yn darparu datrysiadau diagnostig a therapiwtig i’r diwydiannau gofal iechyd a milfeddygol. Mae’r cynnyrch yn cynnwys offer pelydr X, systemau pelydr-x cludadwy a sefydlog, systemau uwchsain diagnostig a magnetotherapi.

Mae Celtic Therapy and Rehab Services yn cyflenwi cadeiriau olwyn a seddi, ac maen nhw’n gallu darparu addasiadau pwrpasol.

Mae Ceridwen Oncology yn gwmni darganfod cyffuriau oncoleg, sy’n targedu canserau prin nad oes opsiynau triniaeth effeithiol ar eu cyfer ar hyn o bryd, fel cordoma. Mae'r cwmni’n cyfuno bioleg strwythurol â chyfradd brosesu uchel mewn sgrinio ymgeiswyr ar gyfer cyffuriau silico er mwyn gallu darganfod llif newydd o gynnyrch fferyllol.

Mae Ceryx Medical yn gwmni bioelectroneg sy’n datblygu amrywiaeth o ddyfeisiau meddygol sy’n gallu rhyngweithio â chorff claf. Cynnyrch cyntaf y cwmni yw rheolydd calon sydd wedi'i gynllunio'n benodol ar gyfer trin methiant y galon.

Mae Clarity Compliance Solutions yn ymgynghoriaeth cydymffurfiaeth reoleiddiol sy’n cynnig ystod o wasanaethau, gan gynnwys archwiliadau, archwiliadau ffug, hyfforddiant a datblygu System Rheoli Ansawdd.

Mae Clear_Pixel VR yn cynnig rhaglenni hyfforddiant gweithdrefnol sy'n seiliediag ar labordai realiti rhithwir, sy'n galluogi defnyddwyr i ryngweithio ag offer labordy mewn amgylchedd rhithwir. Yn benodol, mae Clear_Pixel VR wedi datblygu modiwlau hyfforddiant niwrowyddoniaeth i ddefnyddwyr allu ymarfer arbrofion electroffisioleg.

Mae Clintithink yn gwmni deallusrwydd artiffisial ym maes gofal iechyd, sydd wedi adeiladu’r deallusrwydd artiffisial CLiX i ddadansoddi nodiadau meddygol. Gellir defnyddio'r cymhwysiad hwn mewn sawl ffordd, gan gynnwys dadansoddi iechyd y boblogaeth, nodi clefydau prin, gwella cynhyrchiant clinigol a nodi cleifion ar gyfer treialon clinigol.

Mae CMC Consulting yn darparu cyngor datblygu masnachol i’r sectorau meddygol a gofal iechyd, gan gynnwys gwybodaeth am y farchnad, cynllunio strategol, cynllunio mynediad i’r farchnad a chyngor caffael.

Mae’r Coleg yn cefnogi meddygon o Gymru, trwy ddarparu digwyddiadau addysgol a chyfleoedd rhwydweithio, yn ogystal ag ymgyrchu dros welliannau i ofal iechyd, addysg meddygol ac iechyd cyhoeddus.

Mae Collocco Consultancy yn ymgynghoriaeth Ansawdd, Cydymffurfiaeth a Rheoleiddiol yn y sector Dyfeisiau Meddygol a Gwyddorau Bywyd. Mae gwasanaethau’r cwmni’n cynnwys helpu i weithredu systemau rheoli ansawdd, darparu hyfforddiant cydymffurfio a helpu gyda ffeilio technegol.