Cyfeiriadur Arloesedd – Cymru

Mae'r Gymdeithas Strôc yn gweithredu ledled y DU, gan ddarparu gwasanaethau cymorth i bawb sydd wedi'u heffeithio gan strôc, gan gynnwys teuluoedd a gofalwyr. Mae'r elusen yn codi ymwybyddiaeth am strôc ac yn ymgyrchu dros well gwasanaethau brys, adsefydlu a chymorth. Mae’r sefydliad hefyd yn buddsoddi mewn ymchwil strôc i helpu i leihau nifer yr achosion o strôc, dod o hyd i’r triniaethau gorau a gofal hirdymor, a gwella ansawdd bywyd ar gyfer y rhai sydd wedi goroesi strôc.

Mae’r Sefydliad Cenedlaethol dros Chwaraeon ac Iechyd yn ganolfan arloesi flaenllaw sy'n ymroddedig i lunio dyfodol chwaraeon, iechyd a lles. Rydym yn dod â entrepreneuriaid, ymchwilwyr ac arweinwyr y diwydiant ynghyd mewn amgylchedd a gynlluniwyd i gyflymu syniadau a chynyddu effaith.

Menter gymdeithasol nid-er-elw sy’n gweithio ym maes gofal sylfaenol i arloesi.

Nod Ymchwil Canser Cymru yw lleddfu salwch a hybu iechyd da drwy ddatblygu gwybodaeth a dealltwriaeth o ganser a’i dechnegau trin ac atal posib, gan ddarparu a chefnogi cyfleusterau ar gyfer ymchwil canser o ansawdd uchel yng Nghymru.

Mae Ymchwil Canser y DU yn ymroddedig i achub bywydau drwy ymchwil. Eu cenhadaeth yw atal, rheoli a gwella canser drwy ein hymchwil arloesol, ac yn ystod y 40 mlynedd ddiwethaf, mae ein gwaith wedi helpu i ddyblu cyfraddau goroesi. Ond mae mwy o waith i'w wneud. CRUK yw'r unig elusen sy'n ymladd dros 200 math o ganser.

Mae Ymchwil Canser y Gogledd Orllewin yn ariannu ymchwil canser yng Ngogledd Orllewin Lloegr a Gogledd Cymru. Caiff yr ymchwil ei wneud yn bennaf mewn tair
canolfan ragoriaeth ym Mhrifysgol Lerpwl, Prifysgol Caerhirfryn a Phrifysgol Cymru ym Mangor.

Mae Ymchwil Iechyd a Gofal Cymru yn hyrwyddo ac yn cefnogi ymchwil iechyd a gofal cymdeithasol yng Nghymru, gan gynnwys drwy gynnal cynlluniau ariannu ac ymgysylltu ag asiantaethau cyllido ar lefel y DU.

Ymddiriedolaeth GIG Gwasanaethau Ambiwlans Cymru yw’r gwasanaeth ambiwlans cenedlaethol. Mae’r Ymddiriedolaeth yn darparu gwasanaethau, gan gynnwys gwasanaethau meddygol brys, y gwasanaeth 111, a chludiant cleifion nad yw’n argyfwng.

Mae Ymddiriedolaeth GIG Prifysgol Felindre yn darparu gwasanaethau canser arbenigol ledled de a chanolbarth Cymru drwy Ganolfan Ganser Felindre a Gwasanaeth Gwaed Cymru.

Mae’r Is-adran Gofal Sylfaenol yn rhan o Iechyd Cyhoeddus Cymru ac mae wedi’i threfnu’n ddau dîm; yr Hwb Datblygu ac Arloesi Gofal Sylfaenol, a’r Tîm Iechyd y Cyhoedd Deintyddol. Mae gan yr Hwb Datblygu ac Arloesi Gofal Sylfaenol ddau gylch gwaith cyffredinol o (1) Cefnogi ein partneriaid i gyflawni cynlluniau cenedlaethol ar gyfer trawsnewid gofal sylfaenol a chymunedol yng Nghymru, a (2) datblygu dull cydgysylltiedig o atal mewn gofal sylfaenol a chymunedol. Mae’r Tîm Iechyd y Cyhoedd Deintyddol yn canolbwyntio ar gefnogi ac arwain y gwaith o wella gwasanaethau deintyddol ac iechyd y geg yng Nghymru.