Cyfeiriadur Arloesedd – Cymru

Mae SERB Pharmaceuticals (BTG gynt) yn gwmni fferyllol sy’n datblygu cyffuriau ar gyfer gofal brys a chlefydau prin. Prynodd SERB gwmni BTG Specialty Pharmaceuticals yn 2021, a oedd â phortffolio o feddyginiaethau gofal brys, gan gynnwys gwrthwenwynau a ddatblygwyd gan Protherics, cwmni a brynwyd gan BTG yn 2008. Mae gan Protherics gyfleuster gweithgynhyrchu yn Llandysul.

Mae SETsquared yn bartneriaeth rhwng prifysgolion Caerfaddon, Bryste, Caerdydd, Caerwysg, Southampton a Surrey. Mae’r bartneriaeth yn cynnig amrywiaeth o raglenni cymorth busnes sydd wedi’u hanelu at fyfyrwyr, ymchwilwyr academaidd, sylfaenwyr cwmnïau technoleg a busnesau bach a chanolig.

Sefydliad Gweithgynhyrchu Datblygu Contractau yw SGS Quay Pharma sy’n darparu gwasanaethau i gwmnïau biotechnoleg a fferyllol, gan gynnwys datblygu fformiwleiddiad, gweithgynhyrchu clinigol a gwasanaethau dadansoddi. Mae gan y cwmni ddau safle yng Nglannau Dyfrdwy.

Mae Sharp Clinical Services yn gyflenwr gwasanaethau pecynnu, labelu a dosbarthu treialon clinigol ar gyfer cwmnïau fferyllol a biotechnoleg o dreialon cam 1 hyd at lansiad masnachol. Mae gwasanaethau’r cwmni’n cynnwys gwasanaethau dadansoddi a fformiwleiddio, gweithgynhyrchu contractau, pecynnu sylfaenol ac eilaidd, storio a dosbarthu.

Mae Siemens Healthineers, is-gwmni Siemens AG, yn gwmni technoleg feddygol sy’n dylunio, datblygu, cynhyrchu a dosbarthu systemau delweddu diagnostig a therapiwtig, diagnosteg labordy a thechnolegau meddygaeth foleciwlaidd, yn ogystal â darparu gwasanaethau mentergarwch a digidol. Mae pencadlys Siemens Healthineers yn yr Almaen, ac mae ganddynt safle yn Llanberis, lle maen nhw’n gweithgynhyrchu adweithyddion IMMULITE, a ddefnyddir mewn profion imiwnedd gwaed IMMULITE i wneud diagnosis o ystod eang o glefydau.

Mae Sight Cymru yn darparu gwasanaethau i
liniaru effeithiau colled synhwyraidd ar bobl yng Nghymru, gan gynnwys cymorth Clinig Llygaid ac Adsefydlu ar gyfer Pobl â Nam ar y Golwg, cwnsela, cymorth emosiynol, cyfeillio, gweithgareddau, llinell gymorth dros y ffôn, gweithgareddau cymdeithasol, hyfforddiant a chanolfan adnoddau cynhwysfawr sy’n cynnig cyngor, gwybodaeth ac eiriolaeth. Mae'r elusen hefyd yn annog strategaethau ataliol i osgoi dallineb.

Mae Signumology yn gwmni meddalwedd sydd wedi datblygu Mydoc4health, platfform brysbennu ar-lein a rheoli llif cleifion sydd wedi’i deilwra ar gyfer cyflyrau meddygol gwahanol. Gellir defnyddio'r feddalwedd i fonitro cleifion o bell gan ddefnyddio modiwlau telefeddygaeth, yn ogystal â chynhyrchu adroddiadau diagnostig awtomatig ac integreiddio â systemau fferylliaeth a labordy.

Mae Simbec-Orion yn sefydliad ymchwil contract gwasanaeth llawn sy’n cynnig gwasanaethau rheoli clinigol o gam 1 i gam 3. Mae’r gwasanaethau’n cynnwys Scintigraffeg, gwyliadwriaeth ffarmacolegol, rheoli data treialon a gwasanaethau labordy canolog. Mae'r cwmni'n darparu'r gwasanaethau hyn ar draws nifer o feysydd therapiwtig, ond yn arbenigo mewn Oncoleg a Chlefydau Prin.

Mae SimplyDo yn darparu cynnyrch digidol sy’n galluogi sefydliadau i reoli arloesedd ym maes iechyd a gofal yn fwy effeithiol. Mae’r rhaglenni’n cynnwys rhaglenni gwella ansawdd sy’n cael eu harwain gan weithwyr, a recriwtio cyflenwyr ac arloesi agored sy’n cael ei arwain gan y diwydiant. Mae hyn yn cynnwys casglu a gweithredu syniadau gyda chanlyniadau gan gynnwys cynhyrchion, gwasanaethau a phrosesau newydd i wella gofal cleifion.

Mae SMART FIS yn rhaglen Busnes Cymru sy’n helpu sefydliadau (nid busnesau yn unig) sy’n ymwneud ag ymchwil, datblygu ac arloesi. Mae’r rhaglen yn rhoi mynediad i sefydliadau at rwydwaith o arbenigwyr, cyllid a chyngor. Nid yw SMART FIS wedi’i gyfyngu i sefydliadau yn y sector gwyddorau bywyd, ac mae wedi’i dargedu at helpu sefydliadau i greu cynnyrch a gwasanaethau newydd, cynyddu masnacheiddio, gwella sgiliau a sicrhau bod Cymru’n ymgyrraedd at fod yn ddi-garbon yn y dyfodol.