Cyfeiriadur Arloesedd – Cymru

Mae SABRE Cymru yn rhwydwaith rhyngddisgyblaethol sy'n canolbwyntio ar ymchwil sy'n gysylltiedig ag achosion o glefydau heintus.

Mae Sbarc yn barc ymchwil gwyddorau cymdeithasol ym Mhrifysgol Caerdydd ac mae'n cynnwys unedau masnachol, swyddfeydd a mannau cydweithio, labordai, mannau profi a mannau arddangos. Yn Sbarc, mae Arloesedd Caerdydd yn cynnig cymorth i gwmnïau deillio ac egin fusnesau.

Mae Science and Engineering Applications (SCIENAP) yn datblygu technoleg ddigidol mewn amrywiaeth o feysydd, gan gynnwys gofal iechyd. Mae SCIENAP wedi datblygu CHAI, platfform i weithwyr gofal iechyd gasglu a phrosesu data cleifion, y gellir ei ddefnyddio i greu cynlluniau gofal a nodiadau trosglwyddo clinigol. Mae’r cwmni hefyd wedi datblygu Care and Respond, pasbort iechyd digidol ar gyfer cleifion sydd â chyflyrau prin neu gymhleth.

Mae Seastorm yn gwmni meddalwedd sydd wedi datblygu Trialflare, datrysiad electronig ar gyfer casglu data o dreialon clinigol, gan gynnwys cydsyniad electronig a chanlyniadau a adroddir gan gleifion.

Mae Sefydliad Calon y Ddraig yn rhwydwaith o arloeswyr gofal iechyd sy’n cyfeirio sefydliadau at staff yn y sector iechyd a gofal yng Nghymru, yn helpu i gydgynhyrchu datrysiadau ac yn darparu cyfleoedd dysgu.

Mae’r WIDI yn gydweithrediad rhwng Prifysgol Cymru y Drindod Dewi Sant a Gwasanaeth Gwybodeg GIG Cymru (NWIS - Iechyd a Gofal Digidol Cymru bellach). Mae'r bartneriaeth hon wedi arwain at ddatblygu mentrau sy'n gysylltiedig â rheoli data iechyd, ar yr un pryd â chaniatáu i NWIS gyfrannu at ddylunio rhaglenni academaidd ym Mhrifysgol Cymru y Drindod Dewi Sant, gan roi cyfle i fyfyrwyr Prifysgol Cymru y Drindod Dewi Sant gael mynediad at leoliadau gwaith ac interniaethau.

Mae Sefydliad Gwyddorau Bywyd Prifysgol Abertawe yn gartref i labordai ymchwil a chyfleusterau deori busnes ar gyfer sefydliadau masnachol.

Mae'r Sefydliad Iechyd Meddwl yn gweithio
i hybu iechyd meddwl da a gwella bywydau pobl sydd wedi'u heffeithio gan broblemau iechyd meddwl. Gydag atal wrth wraidd ei genhadaeth, nod y sefydliad yw dod o hyd i ffynonellau problemau iechyd meddwl a mynd i’r afael â nhw fel y gall pobl a chymunedau ffynnu.

Mae Sefydliad Moondance yn
dyrannu arian i sefydliadau at ddibenion elusennol cyffredinol, gan gynnwys elusennau eraill, grwpiau cymunedol a gyfansoddwyd, mentrau cymdeithasol, Sefydliadau Budd Cymunedol, Cwmnïau Buddiannau Cymunedol a sefydliadau dielw, gyda gogwydd tuag at sefydliadau Cymreig. Mae'r sefydliad yn canolbwyntio rhoddion yn y meysydd allweddol canlynol; gofal am salwch/afiechydon niweidiol, plant, addysg, yr henoed, yr amgylchedd a thlodi.

Mae SERB Pharmaceuticals (BTG gynt) yn gwmni fferyllol sy’n datblygu cyffuriau ar gyfer gofal brys a chlefydau prin. Prynodd SERB gwmni BTG Specialty Pharmaceuticals yn 2021, a oedd â phortffolio o feddyginiaethau gofal brys, gan gynnwys gwrthwenwynau a ddatblygwyd gan Protherics, cwmni a brynwyd gan BTG yn 2008. Mae gan Protherics gyfleuster gweithgynhyrchu yn Llandysul.