Cyfeiriadur Arloesedd – Cymru

Mae WAHWN yn sefydliad aelodaeth ar gyfer gweithwyr proffesiynol ym maes y celfyddydau ac iechyd yng Nghymru.

Mae Rhwydwaith Iechyd Cyhoeddus Cymru yn hysbysu, hwyluso a chreu cysylltiadau ar gyfer ymchwilwyr sy’n gweithio yn y sectorau cyhoeddus, preifat a thrydydd sector er mwyn gwella iechyd a lles y boblogaeth yng Nghymru.

Mae Rhwydwaith Ymchwil Gwyddorau Bywyd Cymru yn rhwydwaith a arweinir gan Brifysgol Caerdydd sy'n ceisio dwyn ynghyd arbenigedd ymchwil gan gwmnïau gwyddorau bywyd a sefydliadau ymchwil yng Nghymru drwy drefnu digwyddiadau a nodi galwadau am gyllid.

Mae Rocialle Healthcare yn cyflenwi pecynnau gweithdrefnau pwrpasol, offer untro, eitemau traul di-haint ac eitemau traul nad ydynt yn ddiheintiedig, a chyfarpar diogelu personol. Mae’r cwmni’n gwasanaethu nifer o sectorau gofal iechyd, gan gynnwys ysbytai gofal aciwt a meddygfeydd meddygon teulu.

Mae Roma Medical Aids yn wneuthurwr cynnyrch symudedd ac adsefydlu ym Mhen-y-bont ar Ogwr. Mae cynnyrch Roma Medical yn cynnwys cadeiriau olwyn, cymhorthion cerdded, cadeiriau trosglwyddo cleifion, a chymhorthion pediatrig.

Mae Romilly Life Sciences yn ymgynghoriaeth masnacheiddio cynnyrch ym maes gofal iechyd, gwyddorau bywyd ac ymchwil glinigol. Mae’r gwasanaethau a gynigir gan Romilly yn cynnwys ymgynghori ar strategaethau busnes, hyfforddi amlddisgyblaethol ac adeiladu consortia.

Mae Rosenfield yn ddarparwr datrysiadau meddalwedd sy’n gweithio ochr yn ochr â systemau gweinyddu cleifion presennol i gefnogi gweithwyr gofal iechyd proffesiynol drwy wella llif gwaith clinigol.

Mae Ross Care yn wneuthurwr cyfarpar symudedd, fel cadeiriau olwyn a sgwteri symudedd. Mae pencadlys y cwmni yng Nglannau Mersi ac mae ganddo swyddfa yn yr Wyddgrug, Sir y Fflint.

Mae RSR yn ddatblygwr a chynhyrchydd diagnosteg feddygol blaenllaw gyda phwyslais penodol ar glefyd thyroid awtoimiwn, diabetes mellitus math 1, niwroimiwnoleg ac awtoimiwnedd uwcharennol. Mae cynhyrchion RSR yn cynnwys dyfeisiau diagnostig in vitro, adweithyddion a phecynnau i ganfod a mesur hunanwrthgyrff amrywiol at ddiben diagnosis a rheoli clefydau.

Mae RWG Mobile yn rhwydwaith symudol a sefydlwyd i wasanaethu Cymru. Gan adeiladu ar y rhwydwaith hwn, lansiodd RWG iCare, rhaglen sy’n cysylltu dyfeisiau fel monitorau pwysedd gwaed a thermomedrau digidol ac sy’n caniatáu i ofalwyr fonitro cleifion yn eu cartrefi o bell.