Cyfeiriadur Arloesedd – Cymru

Mae Prism Medical yn darparu offer arbenigol i helpu pobl sy'n cael trafferth symud i drin a thrafod a symud yn fwy diogel yn eu cartrefi, mewn gofal tymor hir neu mewn amgylchedd acíwt. Mae gan Prism ganolfannau gweithgynhyrchu yn y Rhyl a Phen-y-bont ar Ogwr.

Mae Private Pharma yn cyflenwi llenwadau croenol a chynhyrchion esthetig eraill.

Mae ProColl yn gwmni bioleg synthetig sy’n cynhyrchu colagen o wartheg a colagen heb fod o anifeiliaid, ar raddfa fawr. Defnyddir y colagen hwn mewn diwydiannau fel dyfeisiau meddygol, therapi celloedd a meddygaeth adfywiol, yn ogystal ag ym maes cynhyrchu bwyd.

Mae ProMove wedi datblygu’r ProMove Sling, dyfais sy’n caniatáu i bobl mewn cadair olwyn gael eu codi a’u symud i safle arall. Mae gan y sling gymwysiadau posibl yng nghartrefi pobl anabl, gofal cymdeithasol, ac yn y gwasanaethau brys.

Mae Prostate Cancer UK yn brwydro i helpu mwy o ddynion i oroesi canser y prostad a mwynhau ansawdd bywyd gwell. Mae'r sefydliad yn cefnogi dynion sy'n byw gyda chanser y prostad, afiechydon y prostad, ac effeithiau triniaeth. Ceir atebion drwy ariannu ymchwil, ac mae newid yn cael ei arwain drwy ymgyrchu a chydweithio. Fel prif elusen y wlad ar gyfer dynion â chanser y prostad a phroblemau’r brostad, mae Prostate Cancer UK yn chwarae rhan ganolog mewn eiriolaeth a chefnogaeth.

Mae Prostate Cymru yn darparu cymorth,
addysg a chyngor ymarferol, a datblygu'r broses o addysgu'r cyhoedd ym mhob maes sy’n ymwneud â phroblemau’r Prostad a hyrwyddo a dylanwadu ar ofal, cyfranogiad a chymorth effeithiol i bobl sy'n cael eu heffeithio gan broblemau’r Prostad, gan gynnwys drwy barhau i ariannu llawdriniaethau laser golau gwyrdd yng Nghymru.

Ymgynghoriaeth datblygu cynnyrch arbenigol yw Pureability, sy’n gweithio gyda gweithgynhyrchwyr a chyflenwyr gofal iechyd. Mae'r cwmni'n darparu cyngor ar ddatblygu cynnyrch, gan gynnwys ymchwil, prototeipio, gweithgynhyrchu, achredu, marchnata a logisteg.

Mae Purolite (sy’n eiddo i Ecolab, darparwr cynnyrch a gwasanaethau dŵr, hylendid ac atal heintiau) yn datblygu ac yn gweithgynhyrchu technoleg gwahanu, puro ac echdynnu sy’n seiliedig ar resin. Mae gan y dechnoleg hon sawl defnydd o fewn gofal iechyd a gwyddorau bywyd, gan gynnwys ar gyfer gweithgynhyrchu biotherapiwtig, diagnosteg a biocatalysis. Mae safle Purolite yn Llantrisant yn arbenigo mewn cynhyrchu cynhyrchion ar gyfer cymwysiadau gwyddor bywyd.

Mae QuidelOrtho yn cynnig cynhyrchion diagnostig fel cyflenwadau labordy, citiau, adweithyddion ac offerynnau i labordai clinigol ac ymchwil. Mae hyn yn cynnwys profion imiwnohaematoleg a phrofion pwynt gofal ar gyfer ystod o glefydau.

Mae R&D Surgical yn gwmni sy’n gweithgynhyrchu a dosbarthu offer a dyfeisiau meddygol. Mae'r cwmni'n cynnig amrywiaeth o gynhyrchion yn y meysydd cardiaidd, thorasig, deintyddol a llawfeddygaeth gyffredinol.