Cyfeiriadur Arloesedd – Cymru

Ymgynghoriaeth trawsnewid digidol yn y DU yw R3 Digital, sy'n helpu sefydliadau i gyflymu newid drwy strategaeth, dylunio cynnyrch, data a pheirianneg. Ym maes Iechyd a Gwyddorau Bywyd, mae R3 yn gweithio mewn partneriaeth ag ymddiriedolaethau'r GIG, rheoleiddwyr ac arloeswyr er mwyn gwella'r modd y mae gofal yn cael ei ddarparu, gwneud y gorau o weithrediadau a datgloi gwerth o ddata. Mae eu gwaith yn cwmpasu strategaeth ddigidol, dylunio gwasanaethau sy'n canolbwyntio ar y claf, systemau rhyngweithredol, a dadansoddeg er mwyn sbarduno canlyniadau posibl, fel llif gwaith clinigol gwell, gwell profiadau i gleifion, a gwella perfformiad mesuradwy. Mae timau trawsddisgyblaethol R3 yn pontio dealltwriaeth glinigol â thechnoleg ac arweinyddiaeth newid er mwyn bod yn gynaliadwy ac yn effeithiol.  

Mae Reacta Healthcare yn gweithgynhyrchu prydau bwyd i'w defnyddio mewn treialon clinigol (prydau a ddefnyddir i wneud diagnosis a monitro alergedd bwyd) drwy ddatblygu a chynhyrchu alergenau.

Mae Recliners yn gwmni sydd wedi’i leoli ym Mhentre, Morgannwg Ganol, sy’n dylunio, datblygu, gweithgynhyrchu a chyflenwi dodrefn trydanol a dodrefn i chi symud eich hun, gan gynnwys cynhyrchion eistedd.

Mae RED MedTech yn ymgynghoriaeth datblygu cynnyrch a chydymffurfio sy’n arbenigo mewn dyfeisiau meddygol. Mae’r gwasanaethau a gynigir yn cynnwys cyngor dylunio a rheoleiddio a chymorth gyda ffeilio technegol.

Mae RedKnight yn gwmni ymgynghorol sy’n cynnig grantiau sy’n cynnig gwasanaethau fel ysgrifennu cynigion a rheoli hawliadau grant. Mae’r cwmni’n gweithio ar draws amrywiaeth o sectorau, gan gynnwys ym maes gofal iechyd a gwyddorau bywyd.

Mae ReNeuron wedi datblygu llwyfan technoleg exosome sy’n cynnig mecanwaith cyflawni ar gyfer amrywiaeth o lwythi posibl a allai gynnwys siRNA, mRNA, proteinau, moleciwlau bach a genynnau i fath penodol o gell mewn meinwe benodol. Mae’r cwmni nawr yn chwilio am bartneriaethau gyda chwmnïau sy’n datblygu ymgeiswyr addawol am gyffuriau a allai elwa o ddefnyddio’r llwyfan hwn.

Mae Renishaw yn gwmni peirianneg sy’n dylunio, gweithgynhyrchu a marchnata cynnyrch mesur, rheoli symudiadau, sbectrosgopeg a pheiriannu manwl. Mae gan y cwmni adran niwrolawdriniaeth, sy'n datblygu robotiaid llawfeddygol a systemau cyflenwi cyffuriau wedi'u targedu ar gyfer cyflyrau niwrolegol. Mae’r adran hon wedi’i lleoli ym Meisgyn.

Mae Rescape Innovation yn gwmni iechyd digidol sy’n canolbwyntio ar ddefnyddio realiti rhithwir wrth drin cleifion a helpu staff rheng flaen y GIG. Mae Rescape yn datblygu datrysiadau therapi gwrthdynnu realiti rhithwir, sy'n cefnogi lleddfu poen a gorbryder i gleifion pediatrig ac oedolion, yn ogystal â gweithwyr gofal iechyd. Mae Rescape hefyd yn darparu datrysiadau hyfforddi realiti rhithwir ar gyfer senarios a gweithdrefnau hyfforddi mewn lleoliadau gofal iechyd.

Mae Rescue & Medical yn wneuthurwr dyfeisiau meddygol sy’n arbenigo mewn cyflenwadau meddygol brys, gan gynnwys pecynnau ocsigen, pecynnau ymatebwyr cyntaf, pecynnau a chludwelyau. Mae Rescue & Medical yn cyflenwi cynhyrchion meddygol i gwsmeriaid, gan gynnwys timau gofal critigol a’r Weinyddiaeth Amddiffyn

Mae Reval yn wneuthurwr cynhyrchion hylendid, adsefydlu a lles ym Mhen-y-bont ar Ogwr. Mae cynnyrch Reval yn cynnwys systemau ymolchi a chawodydd gyda chymorth, pyllau adsefydlu mewn dŵr, ac offer trosglwyddo ar gyfer ysbytai, cartrefi nyrsio ac unigolion preifat.