Cyfeiriadur Arloesedd – Cymru

Mae Solar Medical and Chemical yn cyflenwi offer meddygol, gan gynnwys cyflenwadau hylendid, cyfarpar diogelu personol a dodrefn.

Mae Sotas Group yn ymgynghoriaeth cydymffurfiaeth ansawdd a rheoleiddio diagnostig dyfeisiau meddygol o Abertawe. Mae’r cwmni’n darparu ystod o wasanaethau, gan gynnwys llunio dogfennau technegol, llywio strategaethau rheoleiddio, rhoi Systemau Rheoli Ansawdd ar waith a hyfforddi staff.

Mae Sports Hall Medical Supplies yn cyflenwi offer meddygol i sefydliadau chwaraeon, gan gynnwys cymorth cyntaf, rhwymynnau a chwistrellau lleddfu poen yn y cyhyrau.

Mae Springdew yn gwmni pecynnu o Abertawe, sy’n gwasanaethu marchnadoedd fferyllol, gofal iechyd, milfeddygol a dyfeisiau meddygol yn bennaf. Mae gan Springdew drwydded MHRA ar gyfer pecynnu eilaidd a chydosod meddyginiaethau dynol a milfeddygol.

Mae St Mary’s Pharmaceutical Unit (SMPU) yn wneuthurwr cynnyrch meddyginiaethau didrwydded (Specials) sydd wedi’i reoleiddio a’i drwyddedu gan MHRA, ac mae’n darparu amrywiaeth o feddyginiaethau a gwasanaethau fferyllol i gleifion a chwsmeriaid ledled y byd. Mae SMPU yn datblygu triniaethau newydd i gleifion o gysyniad cychwynnol, neu fformwleiddiadau ar gyfer angen clinigol arbennig fel gweithdrefn newydd neu ar gyfer diogelwch cleifion.

Mae StatsCymru yn wasanaeth rhad ac am ddim i’w ddefnyddio sy’n galluogi defnyddwyr i weld, trin, creu a lawrlwytho tablau o ddata Cymru, gan gynnwys data iechyd a gofal cymdeithasol.

Mae Steddy Disability Aids yn fanwerthwr sy’n darparu amrywiaeth eang o gymhorthion anabledd a chynnyrch gofal i gwsmeriaid ledled de Cymru. Mae ganddyn nhw safleoedd ym Mhen-y-bont ar Ogwr a Chastell-nedd ac maen nhw’n cyflenwi cadeiriau olwyn, ategolion cadeiriau olwyn, teclynnau trefnu tabledi, offer therapi ymarfer corff a dillad orthopedig rhad.

Mae Sterling Pharma Solutions yn gwmni datblygu contractau a gweithgynhyrchu sy'n canolbwyntio ar ddarparu gwasanaethau moleciwlau bach a Gwrthgyrff Cyffuriau Cyfosod sy’n amrywio o ddatblygiad cyn-glinigol i weithgynhyrchu masnachol llawn. Mae'r cwmni hefyd yn darparu gwasanaethau cemeg cam cynnar ar gyfer darganfod cyffuriau. Mae cyfleuster Sterling yng Nglannau Dyfrdwy yn darparu gwasanaethau ymchwil a datblygu ADC cyn-glinigol y cwmni.

Mae dynion yn eistedd ar Gigabeitiau o ddata heb ei ddefnyddio. 

Ein prif gynnyrch yw adnodd cyfrinachol i olrhain ffrwythlondeb gwrywaidd er mwyn dadansoddi semen yn glinigol gywir (>97%) drwy ddefnyddio eich ffôn clyfar. 

Mae’r pecyn i'w ddefnyddio gartref, mae ar gael yn rhwydd ac mae’n rhoi adborth ar unwaith gydag adroddiad hawdd ei weithredu a’i ddehongli er mwyn helpu i roi gwybodaeth i dadau a thawelu eu meddyliau. Mae modd olrhain newidiadau i ffordd o fyw yn ymatebol a chael data i weithredu arno ac i’w rannu â gweithwyr gofal iechyd proffesiynol

Rydyn ni wrthi’n chwilio am bartneriaethau ym meysydd Ffrwythlondeb, Maeth a Lles yn y DU. Os ydych chi eisiau rhagor o wybodaeth, cysylltwch â hello@strutfertility.com.

Profi. Olrhain. Rhannu.

Mae Sue Rees Associates yn ymgynghoriaeth recriwtio gweithredol sy’n arbenigo yn y diwydiant gwyddorau bywyd.