Cyfeiriadur Arloesedd – Cymru

Mae Technovent yn wneuthurwr a chyflenwr deunyddiau prosthetig y genau a'r wyneb, gan gynnwys elastomerau silicon, adlynion a systemau cadw magnetig.

Mae TeloNostix yn gwmni diagnosteg in vitro sy'n darparu dadansoddiad hyd telomerau eglur iawn ar gyfer cymwysiadau clinigol ac ymchwil. Gellir defnyddio’r dechnoleg hon i roi diagnosis i gleifion canser unigol, yn ogystal â rhagweld eu hymateb i driniaethau.

Mae Tendertec yn gwmni iechyd digidol o Gaerdydd. Mae Tendertec wedi datblygu technolegau wedi’u pweru gan ddeallusrwydd artiffisial sy’n defnyddio caledwedd a meddalwedd i fonitro iechyd beunyddiol pobl mewn lleoliadau gofal fel cartrefi gofal.

Mae The Baker Company yn weithgynhyrchwr cynhyrchion labordy fel cypyrddau diogelwch biolegol, meinciau glân a fume hoods ar gyfer cymwysiadau Biotechnoleg, fferyllol ac ymchwil glinigol. Yn 2011, prynodd Baker gwmni Ruskinn Technology ym Mhen-y-bont ar Ogwr, gwneuthurwyr gweithfannau anaerobig a gweithfannau lle mae'r atmosffer wedi'i addasu.

Mae BBI Solutions yn cynhyrchu a datblygu adweithyddion imiwno-diagnostigau a phrofion llif unffordd ac mae hefyd yn cynnig gwasanaethau sy’n cynnwys cynhyrchu gwrthgyrff personol, gweithgynhyrchu gwrthgyrff personol, datblygu profion llif unffordd, cyfuno aur a chyfaddasiadau antigenau.

Busnes hyfforddi ac ymgynghori bach i entrepreneuriaid iechyd. Cafodd y busnes ei sefydlu gan Dr Behrooz Behbod, sef meddyg iechyd y cyhoedd a hyfforddwyd yn Harvard a Rhydychen, a'i nod yw grymuso entrepreneuriaid i greu byd iachach a hapusach. Ochr yn ochr ag addysgu gwybodaeth am y sector iechyd a busnes, rydym yn mynd ymlaen i drawsnewid eich arweinyddiaeth ac i ffynnu yn ystod newid.

Mae The Science Behind yn wasanaeth ymchwil contract treialon clinigol sy'n cefnogi treialon clinigol cyfnod cynnar ym meysydd niwrowyddoniaeth a seicoleg. Mae'r cwmni'n cynnig offer ac arbenigedd ym maes Efelychu Magnetig Trawsgreuanol, electroffisioleg a phrofion gwybyddol.

Ariennir Rhaglen Therapïau Uwch Cymru gan Lywodraeth Cymru, a'i nod yw darparu mynediad teg i gleifion i Gynnyrch Meddyginiaethol Therapiwtig Uwch (ATMP) datblygol.

Mae Thermetrix wedi datblygu’r Podium System, sganiwr thermograffeg ar gyfer troed y gwadn y gellir ei ddefnyddio i ragfynegi wlser troed sydd ar ddod neu i nodi diffyg fasgwlaidd neu niwropatheg. Mae’r cwmni hefyd wedi datblygu ap ategol i weld y canlyniadau a rheoli’r thermograff.

Mae Thermo Fisher yn ddarparwr mawr o offer meddygol, offerynnau dadansoddol, adweithyddion a nwyddau traul, meddalwedd a gwasanaethau i'r diwydiant gwyddorau bywyd. Yn 2011, prynodd y cwmni Sterilin, darparwr nwyddau traul labordy, fel dysglau petri, pibedau a photeli casglu samplau, sydd wedi’i leoli yn ne Cymru. Yn ogystal, mae Thermo Fisher yn berchen ar Synexus, sefydliad sy'n cynnal treialon clinigol ar gyfer cwmnïau fferyllol a Biotechnoleg. Mae gan Synexus glinig yng Nghaerdydd.