Mae Hwb Gwyddorau Bywyd Cymru ac M-SParc yn gweithio gyda’i gilydd i gryfhau arloesi ym maes iechyd a gofal cymdeithasol ledled gogledd Cymru.
Mae ein partneriaeth strategol yn helpu i fynd i’r afael ag anghydraddoldebau rhanbarthol o ran mynediad at gymorth arloesi drwy greu llwybrau cliriach i arloeswyr sy’n ceisio ymgysylltu â gwasanaethau iechyd a gofal cymdeithasol.
Drwy gysoni arbenigedd ac adeiladu rhwydweithiau ar draws gogledd Cymru, rydyn ni’n cefnogi arloeswyr, entrepreneuriaid, ymchwilwyr a phartneriaid iechyd a gofal cymdeithasol i gysylltu â’r cymorth, yr arbenigedd a’r cyfleoedd cywir.
Mae Hwb Gwyddorau Bywyd Cymru ac M-SParc wedi cytuno ar ail flwyddyn o gydweithio yn ystod 2026/27, gan adeiladu ar weithgarwch sydd eisoes ar y gweill i gryfhau ymgysylltu, arloesi ym maes gofal iechyd a chefnogi diwydiant ar draws gogledd Cymru.
Gyda’n gilydd, rydyn ni’n canolbwyntio ar wneud cymorth arloesi yn fwy gweladwy, hygyrch a chysylltiedig ar draws y rhanbarth. Mae hyn yn cynnwys cryfhau cysylltiadau rhwng diwydiant, GIG Cymru, gofal cymdeithasol, y byd academaidd a phartneriaid arloesi ehangach, a helpu syniadau addawol i symud gam yn nes at gael eu defnyddio yn y byd go iawn.
Mae hyn yn cynnwys meithrin cysylltiadau cryfach â phartneriaid allweddol fel Bwrdd Iechyd Prifysgol Betsi Cadwaladr, Prifysgol Bangor, Prifysgol Wrecsam a sefydliadau eraill ar draws ecosystem arloesi gogledd Cymru.
Drwy’r bartneriaeth hon, rydyn ni’n creu llwybrau cliriach i arloeswyr ymgysylltu â gwasanaethau iechyd a gofal cymdeithasol a datblygu atebion sy’n ymateb i anghenion gwirioneddol y system.
M-Sparc yw parc gwyddoniaeth dynodedig cyntaf Cymru ac mae’n cefnogi ecosystem amrywiol o gwmnïau ar draws sawl sector, ac mae technoleg feddygol yn tyfu i fod yn ffocws pwysig.
Drwy ei rwydweithiau, ei arbenigedd a’i gymorth i entrepreneuriaid ac arloeswyr, mae M-SParc yn chwarae rhan bwysig yn y gwaith o gryfhau’r ecosystem arloesi yng ngogledd Cymru. Mae ein cydweithio yn dod ag arbenigedd rhanbarthol M-SParc a rhwydweithiau cenedlaethol Hwb Gwyddorau Bywyd Cymru at ei gilydd ar draws iechyd, gofal cymdeithasol, diwydiant ac arloesi.
Mae Iechyd a Mwy yn rhaglen sy’n cael ei hariannu gan Hwb Gwyddorau Bywyd Cymru ac sy’n cael ei darparu gan M-SParc fel rhan o’n partneriaeth i gryfhau arloesi iechyd yng ngogledd Cymru.
Mae’n cefnogi arloeswyr, busnesau ac ymchwilwyr yng ngogledd Cymru i gael gafael ar gyngor, rhwydweithiau ac arweiniad arbenigol i ddatblygu syniadau a allai wella iechyd a gofal cymdeithasol.
