Rydym yn chwilio am Gyfarwyddwyr Anweithredol newydd i’n helpu ni sicrhau mai Cymru yw’r lle y mae pobl yn ei ddewis ar gyfer buddsoddi ym maes iechyd a gofal cymdeithasol. Rydym angen pobl sydd â phrofiad o’r sector gwyddorau bywyd i ddarparu dealltwriaeth strategol a chefnogi’r weledigaeth feiddgar hon. 

Mae ein sefydliad yn cefnogi arloesedd yn y gwyddorau bywyd i gyrraedd ein rheng flaen ym maes iechyd a gofal cymdeithasol. Mae’n gyfnod cyffrous iawn i ymuno â’n tîm a gwneud gwahaniaeth go iawn drwy wella llesiant corfforol ac economaidd pobl yng Nghymru. 

Gair am y swydd 

Er mwyn cefnogi ein nodau a’n hamcanion strategol, rydym yn chwilio am bobl sydd wedi gweithio yn y GIG o safbwynt cyllid a chaffael. Byddwch yn frwd dros feithrin cyfleoedd sy’n sbarduno twf economaidd ac yn cryfhau rhyngwyneb y diwydiant a’r GIG. Bydd hyn yn ein helpu i drawsnewid y sector iechyd a gofal cymdeithasol yng Nghymru. 

Bydd eich dyletswyddau'n cynnwys y canlynol: 

  • Dadansoddi ac adolygu gwybodaeth gymhleth yn feirniadol, a chyfrannu at wneud penderfyniadau cadarn a datblygu strategaethau. 
  • Cynghori ein Bwrdd ar faterion allweddol – gan gynnig eich barn a herio pan fo’n briodol. 
  • Cefnogi ein Prif Swyddog Gweithredol i benodi staff uwch a mentora staff presennol. 
  • Goruchwylio stiwardiaeth effeithiol ar adnoddau gan sicrhau atebolrwydd a bod yn agored o ran dyrannu a defnyddio adnoddau. 
  • Eiriol dros ein sefydliad ar draws y sector gwyddorau bywyd. 

Mae dod yn Gyfarwyddwr Anweithredol hefyd yn rhoi cyfle i chi greu cysylltiadau â phobl a sefydliadau ar draws y sector. 

Yr hyn rydym yn ei ddisgwyl gan Gyfarwyddwr Anweithredol 

Bydd angen i Aelodau’r Bwrdd fod ar gael i weithio i ni am o leiaf 12 diwrnod y flwyddyn. Bydd y Bwrdd yn cyfarfod o leiaf chwe gwaith y flwyddyn. 

Byddwch yn derbyn tâl ar gyfradd ddyddiol o £282 hyd at uchafswm o £15,000 y flwyddyn (pro rata) ynghyd â chostau teithio a chynhaliaeth. 

Gwnewch Gais Nawr! 

I gael rhagor o wybodaeth ac i wneud cais, ewch i wefan Llywodraeth Cymru neu anfonwch e-bost i publicappointments@gov.wales. 

Y dyddiad cau i geisiadau yw 8 Mai 2023. Rydym yn disgwyl cynnal y cyfweliadau yn ystod mis Gorffennaf 2023.