Mae prif ddigwyddiad y DU ar gyfer dylunio a gweithgynhyrchu dyfeisiau meddygol yn dychwelyd i’r NEC yn Birmingham ar 3 a 4 Mehefin 2026.
Mae gan ddiwydiant Technoleg Feddygol y DU drosiant blynyddol o dros £27.6 biliwn. Mae’r DU hefyd yn chwarae rhan fawr yn y farchnad ryngwladol, gan allforio dros £5.6 biliwn o gynnyrch Technoleg Feddygol yn 2021. Fel cartref gweithgynhyrchu dyfeisiau meddygol yn y DU, mae Med-Tech Innovation Expo wrth galon y sector cyffrous hwn ac mae’r arddangosfa’n rhoi sylw i’r ecosystem gyfan o gyflenwyr technoleg, peiriannau, deunyddiau, meddalwedd a darparwyr gwasanaethau sy’n arwain y farchnad. Mae’r digwyddiad yn dod ag arweinwyr, peirianwyr, arloeswyr a gweithgynhyrchwyr ynghyd, gan eu cysylltu â thechnoleg ac arloesedd i hwyluso’r gwaith o ddylunio a gweithgynhyrchu dyfeisiau meddygol sy’n newid bywydau.