Y digwyddiad gofal iechyd sy’n canolbwyntio ar fusnesau bach a chanolig ar gyfer sbarduno cydweithio rhwng Busnes, Gofal a Chlinigwyr, ac Academyddion, ar gyfer Technoleg Feddygol, Gwyddorau Bywyd, Dyfeisiau Meddygol, Diagnosteg, Iechyd Digidol a Sectorau’r GIG.
Ers bron i 20 mlynedd mae’r Gynghrair Technolegau Iechyd Gwyddoniaeth a Pheirianneg (SEHTA) wedi ennill enw rhagorol am gefnogi ei 1,500 a mwy o aelodau, yn enwedig busnesau bach a chanolig, drwy ei rhaglenni cymorth busnes, masnacheiddio, mentora a digwyddiadau.
Mae cynhadledd ac arddangosfa SEHTA yn helpu’r cynadleddwyr i wneud y canlynol: Arddangos - Amrywiaeth o dechnolegau hynod arloesol y gellir eu mabwysiadu; Llywio - Gwneud synnwyr o gymhlethdodau darparu iechyd a gofal cymdeithasol, a'r heriau sy'n gysylltiedig â chael mynediad at y GIG; Canfod - Cyfleoedd cyllido gyda Buddsoddwyr a Chyflymyddion o ffynonellau preifat a chyhoeddus; Nodi - Heriau clinigol cyfredol yn y GIG. Ac efallai’n fwyaf gwerthfawr byth... Creu cysylltiadau newydd a fydd yn arwain at bartneriaethau cydweithredol yn y digwyddiad.