Cronfa Sbarduno Arloesedd mewn Canser Menywod

• Cyfnod ymgeisio yn agor: 3 Chwefror 2025
• Y dyddiad cau ar gyfer ceisiadau: Hanner dydd, 21 Chwefror 2025

Rhaid i brosiectau ddangos:

• Cydweithio traws-sector, amlddisgyblaethol, gan gynnwys o leiaf un partner yng Nghymru.
• Gwell canlyniadau a phrofiadau i fenywod y mae canser yn effeithio arnynt, yn unol â pholisïau Cymru.
• Gwerth am arian.

Rhaid i ymgeiswyr: 

• Allu dangos bod ganddynt gyfrif banc yn y DU yn enw’r prif sefydliad sy’n gwneud cais.
• Ddim mewn trafferthion ariannol (gallu pasio gwiriadau diwydrwydd dyladwy ar statws busnes, a gallu datgan nad yw’r busnes a’r ymgeiswyr a enwir yn destun unrhyw ymgyfreitha perthnasol).
• Gallu cadarnhau bod unrhyw yswiriant a chydymffurfiaeth â gofynion deddfwriaethol ar waith.
• Cymwys i dderbyn cyllid grant.
• Cytuno i ofynion monitro ac adrodd.
• Gallu cytuno i rannu manylion a chanlyniadau prosiectau lefel uchel yn gyhoeddus.
• Os yw’r derbynnydd arfaethedig yn sefydliad nad yw’n rhan o’r sector cyhoeddus a’r mecanwaith arfaethedig ar gyfer cydymffurfio â Chymhorthdal y DU yw drwy Gymorth Ariannol Lleiaf (MFA), rhaid i ymgeiswyr fod yn gymwys i gael cyllid grant (heb gael £315,000 yn ystod y tair blynedd diwethaf) a darparu datganiad wedi’i lofnodi i gadarnhau.
• Rhaid gallu dangos tystiolaeth o wariant ar weithgareddau’r prosiect a bod y canlyniadau gofynnol wedi’u cyflawni.
• Bydd costau’n codi ar ôl dyddiad y llythyr dyfarnu a chyn dyddiad cau’r prosiect ac yn ymwneud yn benodol â’r prosiect.

Gall timau prosiect neu adrannau o sefydliadau sydd wedi cofrestru yn y DU wneud cais am grant rhwng £5,000 a £10,000.

• Dylai ymgeiswyr lenwi Ffurflen Gais Cronfa Sbarduno Arloesedd mewn Canser Menywod a’i dychwelyd i helo@hwbgbcymru.com gyda’r wybodaeth ategol ofynnol cyn 21 Chwefror 2025.
• Bydd panel asesu yn cael ei gynnull ar ôl y dyddiad cau.
• Bydd y ceisiadau’n cael eu hasesu gan y panel penodedig a bydd system sgorio’n cael ei defnyddio i benderfynu ar enillwyr llwyddiannus.
• Bydd penderfyniad y panel asesu yn cael ei gyfleu i ymgeiswyr drwy lythyr swyddogol. Bydd talu cyllid grant i ymgeiswyr llwyddiannus yn amodol ar gytundeb cydweithio (contract) wedi’i lofnodi sy’n cwmpasu’r gwaith.

Pwysig: Ni ddylech ddechrau ar unrhyw waith prosiect nes eich bod wedi derbyn cadarnhad ysgrifenedig bod eich cais wedi bod yn llwyddiannus. Mae dechrau gwaith cyn bod cytundeb cydweithio wedi’i lofnodi ar waith rhwng Hwb Gwyddorau Bywyd Cymru a’r sefydliad sy’n elwa yn cael ei wneud ar eich menter eich hun.

Bydd yn ofynnol i ymgeiswyr llwyddiannus lofnodi cytundeb cydweithio Hwb Gwyddorau Bywyd Cymru sy’n nodi telerau ac amodau’r grant, gan gynnwys:

• Y swm i’w ddyfarnu
• Terfynau amser ar gyfer gwario’r arian
• Gofynion monitro