Ydych chi’n gweithio ym maes ymchwil ac arloesi canser, neu’n darparu gofal iechyd yng Nghymru? Ydych chi’n frwd dros sicrhau bod lleisiau’r cleifion a’r cyhoedd yn ganolog i’ch gwaith?
Cynhelir y sesiwn ryngweithiol hon ar-lein gan Hwb Gwyddorau Bywyd Cymru mewn partneriaeth ag Academi'r Gwyddorau Meddygol fel rhan o’r Rhaglen Traws-Sector, a bydd yn edrych ar sut y gall Cynnwys y Cleifion a’r Cyhoedd mewn ffordd ystyrlon sbarduno arloesedd ym maes gofal canser. Os ydych chi eisiau dechrau Cynnwys y Cleifion a’r Cyhoedd yn eich gwaith, neu eisiau gwella’r ffordd rydych chi’n gwneud hynny, mae’r digwyddiad hwn yn darparu gwybodaeth ymarferol, yn rhoi cyfle i ddysgu gan gymheiriaid, ac yn rhannu enghreifftiau gwirioneddol o wahanol sectorau.
Beth i'w ddisgwyl:
- Sesiwn wybodaeth ar feithrin ymddiriedaeth cleifion wrth arloesi ym maes canser
- Trafodaethau mewn grwpiau ar wahân gyda chynrychiolwyr Cynnwys y Cleifion a’r Cyhoedd a chymheiriaid
- Arolygon byw a gweithgareddau rhwydweithio rhyngweithiol
- Syniadau ac adnoddau i'w defnyddio yn eich gwaith
- Cipolwg o’r digwyddiadau sydd ar y gweill a chyfleoedd cyllido
Pam dod i’r digwyddiad?
- Rhannu argymhellion ymarferol a’r arferion gorau ar sut i gynnwys y cleifion a’r cyhoedd yn eich gwaith
- Cyfle i glywed gan gleifion, cyfranogwyr o’r cyhoedd, a gweithwyr proffesiynol
- Cyfle i greu cysylltiadau gydag eraill sydd wedi ymrwymo i arloesi ym maes gofal canser
- Mynediad at adnoddau a gwybodaeth am ddigwyddiadau sydd ar y gweill a chyfleoedd cyllido
Pwy ddylai fynychu?
Mae’r digwyddiad hwn yn agored i weithwyr o bob cam o’u gyrfa, o’r diwydiannau canlynol:
- GIG a Gofal Cymdeithasol
- Maes Academaidd ac Ymchwil
- Gwyddorau Bywyd a’r Diwydiant
- Trydydd Sector a Sefydliadau Cymunedol
- Cynrychiolwyr Cynnwys Cleifion a'r Cyhoedd
Beth am i ni lywio dyfodol arloesedd ym maes canser gyda’n gilydd?