Ymunwch â'r gynhadledd ddeuddydd hon i ddarganfod sut i harneisio gwerth technolegau digidol arloesol.
Mae trawsnewid systemau iechyd yn ddigidol yn gyfle ac yn ffactor allweddol o ran llwyddiant i fynd i’r afael â heriau fel cynaliadwyedd, gofal sy’n rhoi gwerth gwell am arian, a gwella canlyniadau iechyd. Mae’r newid hollbwysig hwn ar lefel systemig yn fater brys, ond mae’n dal i ddatblygu’n llawer rhy araf.
Mae Cynhadledd Flynyddol i~HD eleni yn canolbwyntio ar drawsnewid iechyd digidol yn deg, yn integreiddiol ac yn seiliedig ar werth
Cewch gyfle i wrando ar gyflwyniadau gan siaradwyr gwadd, cymryd rhan mewn trafodaethau panel a gweld arddangosiadau byw. Bydd cyfle hefyd i chi ddysgu gan nifer o brosiectau Ewropeaidd, gan gynnwys y prosiect ADLIFE a ariennir gan y Comisiwn Ewropeaidd ac sydd wedi datblygu ac arddangos blwch offer digidol i glinigwyr, cleifion a rhoddwyr gofal ar gyfer grymuso cleifion a chydweithio amlddisgyblaethol.
“Mae trawsnewidiad digidol yn golygu mwy na phrynu technoleg, mae hefyd yn ffordd o greu newid systematig yn y ffordd y mae sefydliadau gofal iechyd a gweithwyr proffesiynol yn darparu gofal ac yn cydweithio â’i gilydd a chyda chleifion.”
Dyma’r themâu allweddol ar gyfer y prif areithiau a’r trafodaethau panel:
- Cynaliadwyedd a gwydnwch i sicrhau systemau iechyd cryfach a gwella canlyniadau i gleifion
- Grymuso cleifion a thegwch drwy iechyd digidol
- Gofynion technegol ac arddangosiadau o atebion digidol arloesol
- Datblygu strategaethau a’r heriau cysylltiedig
- Mabwysiadu technolegau digidol yn gyflym, gan gynnwys modelau ad-dalu arloesol.
Y gynhadledd hon yw eich cyfle i gysylltu, dysgu a chyfrannu. Byddwch yn barod i ofyn eich cwestiynau i'r panelau o’ch dewis a mwynhau dinas wych Bilbao!