Bydd y gynhadledd hon yn galluogi gweithwyr proffesiynol o bob rhan o sefydliadau’r GIG, a mwy, i drafod ansawdd a diogelwch ein gwasanaethau gyda’r nod cyffredin o leihau anghydraddoldebau yn unol â’r dull Core20PLUS5.
Mae Core20PLUS5 yn ddull cenedlaethol o weithredu gan GIG Lloegr i lywio camau gweithredu i leihau anghydraddoldebau gofal iechyd ar lefel genedlaethol a lefel systemau. Mae’r dull yn diffinio poblogaeth darged – y ‘Core20PLUS’ – ac mae’n nodi ‘5’ maes clinigol â ffocws sy’n gofyn am welliant cyflym.
Mae’r dull gweithredu, a oedd yn canolbwyntio i ddechrau ar anghydraddoldebau gofal iechyd a brofir gan oedolion, wedi cael ei addasu bellach i fod yn berthnasol i blant a phobl ifanc.
Core20
Yr 20% mwyaf difreintiedig o’r boblogaeth genedlaethol fel y nodwyd gan y Mynegai Amddifadedd Lluosog (IMD) cenedlaethol.
PLUS
Mae grwpiau poblogaeth PLUS yn cynnwys cymunedau lleiafrifoedd ethnig; grwpiau iechyd cynhwysiant; pobl ag anabledd dysgu a phobl awtistig; cymunedau arfordirol sydd â phocedi o amddifadedd wedi’u cuddio ymhlith cyfoeth cymharol; pobl â sawl morbidrwydd; a grwpiau nodweddion gwarchodedig.