Ydych chi'n weithiwr iechyd a gofal proffesiynol, academydd, ymarferwr, yn glaf neu'n aelod o'r cyhoedd sydd â diddordeb mewn iechyd, lles a gofal gwledig?
Ymunwch ag Iechyd a Gofal Gwledig Cymru ar gyfer eu cynhadledd flynyddol i drafod darparu a datblygu gweithwyr proffesiynol a gwasanaethau iechyd a gofal mewn ardaloedd gwledig ar 14 a 15 Tachwedd 2023.
Gallwch chi fynychu'r gynhadledd yma mewn person neu ar-lein.
Bydd y gynhadledd yn sôn am:
- Darparu gwasanaethau Iechyd a Gofal Integredig mewn ardaloedd gwledig, gan gynnwys gwaith traws-sector, amlasiantaethol a / neu amlddisgyblaethol
- Rôl Cymunedau Gwledig a Gofalwyr di-dâl mewn Iechyd a Gofal
- Datblygiadau mewn Deallusrwydd Artiffisial (AI), Teleiechyd / Telefeddygaeth a darparu gwasanaethau Iechyd a Gofal o bell mewn Ardaloedd Gwledig
- Pesgripsiynu Cymdeithasol / Gwyrdd ac effaith Celf, Crefftau ac ymyriadau anghlinigol eraill ar Iechyd a Lles
- Recriwtio a Chadw gweithwyr proffesiynol Iechyd a Gofal mewn Ardaloedd Gwledig
- Addysg, Hyfforddiant a Datblygiad Proffesiynol Parhaus ar gyfer gweithwyr Iechyd a Gofal proffesiynol sy’n gweithio mewn ardaloedd gwledig
Rhwng 4:30pm a 6:30pm ar ddiwrnod cyntaf y gynhadledd bydd Cyfarfod yr Hydref Cydbwyllgor Canolbarth Cymru, a fydd hefyd yn gyfarfod hybrid. Bydd y cyfarfod hwn yn cynnwys cyflwyniadau a diweddariadau ar flaenoriaethau a chynllun cyflawni’r Pwyllgor, a sesiwn ‘Gwrando arnoch Chi’ a fydd yn rhoi cyfle i aelodau’r cyhoedd ofyn cwestiynau i aelodau’r Cydbwyllgor am eu cyflwyniadau.
I gael rhagor o wybodaeth am gyfarfod y Pwyllgor, cysylltwch â Chydbwyllgor Canolbarth Cymru drwy e-bost ar mwjc@wales.nhs.uk.