Yn dilyn llwyddiant 2022, mae’r Gwobrau Arloesi yn ôl am yr eildro! Bydd y seremoni, a gyflwynir mewn partneriaeth rhwng Rhwydwaith AHSN a Chonffederasiwn y GIG, yn cael ei chynnal ddydd Iau 21 Medi 2023.
Mae’r Gwobrau Arloesi yn dathlu rhagoriaeth ym maes arloesi a thrawsnewid ym maes iechyd a gofal. Mae’r gwobrau wedi’u hanelu at sefydliadau iechyd a gofal cymdeithasol, partneriaid yn y diwydiant ac AHSN fel rhan o gais ar y cyd gan sefydliadau neu bartneriaethau iechyd a gofal yn y sector cyhoeddus.
Mae’r gwobrau’n dangos enghreifftiau o arferion gorau wrth fabwysiadu a lledaenu arloesedd ond byddant hefyd yn gyfle i hyrwyddo a dathlu’r rôl y mae arloesedd yn ei chwarae o ran gwella a hyrwyddo gwasanaethau iechyd.
Gan adeiladu ar lwyddiant y llynedd, ychwanegwyd categori ‘Defnydd Gorau o Ddata mewn Arloesi Iechyd’, sy’n golygu y bydd 11 categori ar agor ar gyfer cystadlu a 12fed gwobr ar ffurf ‘grand prix’, a fydd yn cael ei dewis o blith enillwyr yr 11 categori arall.