Mae Cymru yn gartref i ecosystem arloesi ddeinamig sy’n trawsnewid ein sefyllfa o ran iechyd, llesiant a’r economi.
Yn Hwb Gwyddorau Bywyd Cymru, rydyn ni’n falch o fod yn cefnogi’r newid hwn yn y system.
Mae ein timau’n gweithio’n agos gyda chydweithwyr ym maes iechyd a gofal cymdeithasol er mwyn deall ac adnabod yn well yr heriau maen nhw’n eu hwynebu, ac, yn eu tro, cefnogi busnesau a diwydiant i gyflymu arloesedd sy’n diwallu’r heriau hynny.
P’un ai ydych chi’n fusnes bach, yn gwmni rhyngwladol ar raddfa fawr neu’n ddarparwr iechyd a gofal cymdeithasol, rydyn ni yma i helpu drwy ein hamrywiaeth eang o wasanaethau cymorth.
Rydyn ni wrth ein bodd yn cael her, ac rydyn ni’n awyddus i glywed am eich her chi. Beth am ddechrau sgwrs am sut gallwn ni helpu. Cysylltwch ag aelod o’n tîm partneriaeth heddiw drwy helo@hwbgbcymru.com.
