Ar 1 Ionawr 2024, ailsefydlodd y DU ei chysylltiad yn swyddogol â Horizon Ewrop – gan roi mynediad i ymchwilwyr a busnesau yn y DU at raglen gydweithio ymchwil a datblygu fwyaf y byd.
Fel rhan o ymgyrch i gynyddu nifer y ceisiadau, mae busnesau ac ymchwilwyr yn cael eu hannog i fanteisio ar y cyfleoedd enfawr a gyflwynir gan y rhaglen. Mae grant cyfartalog Horizon Ewrop yn werth £530,000 i fusnes yn y DU. Yn ogystal â chyllid, gall cydweithio â phartneriaid Ewropeaidd drwy’r rhaglen helpu i ddatgloi marchnadoedd allforio i fusnesau yn y DU.
Caiff ymchwilwyr, academyddion a busnesau o bob maint wneud cais am gyfran o'r dros £80 biliwn (2021 - 2027) sydd ar gael drwy'r rhaglen. Mae hyn yn dilyn y DU yn atgyfnerthu ei hymrwymiad i ymchwil a datblygu gyda’r buddsoddiad uchaf erioed o £20.4 biliwn gan y llywodraeth a ddyfarnwyd yng Nghyllideb Hydref 2024, gan gynnwys cyswllt cyllido llawn â Horizon Ewrop. Cynyddodd cyllideb ymchwil a datblygu DSIT ei hun i £13.9 biliwn, ochr yn ochr â'r cyllid ymchwil craidd uchaf erioed o £6.1 biliwn, gan gryfhau safle'r DU fel arweinydd byd-eang mewn gwyddoniaeth ac arloesedd.
Mae Innovate UK ac Ymchwil ac Arloesi yn y DU (UKRI) hefyd yn cynnal digwyddiadau rheolaidd sy'n helpu i arwain busnesau ac ymchwilwyr drwy'r cyfleoedd sydd ar gael a'r broses ymgeisio. Mae rhagor o wybodaeth ar gael drwy ddilyn y ddolen uchod.
Mae rhagor o wybodaeth, gan gynnwys cefnogaeth ymarferol ar gyflwyno cais ar gael ar wefan Innovate UK.