Mae ein tîm Datblygu Economaidd yn bartner penodol i’r sector gwyddorau bywyd, ac mae wedi ymrwymo i sbarduno ffyniant drwy arloesi. Rydym yn gyswllt hanfodol rhwng diwydiant, iechyd, a gofal cymdeithasol, gan helpu i feithrin amgylchedd lle gall busnesau dyfu, lle gall clystyrau ffynnu, a lle gall technolegau trawsnewidiol gyrraedd y rheng flaen yn gynt.

Newport at sunset

Sut gallwn ni helpu?

Mae ein tîm yn cynnig mwy na dim ond cyngor; rydym yn darparu cymorth sy’n cael effaith fawr ac sydd wedi’i ddylunio i gryfhau busnesau unigol ac ecosystem ehangach Cymru:

  • Llywio Strategol Cydweithredol: Rydym yn bwynt cyswllt, gan eich helpu i lywio’r rhyngwyneb cymhleth rhwng diwydiant, y byd academaidd, a GIG Cymru.
  • Datblygu Clystyrau: Rydym yn meithrin clystyrau gwyddor bywyd arbenigol, fel Technoleg Feddygol, Iechyd Digidol, a Therapïau Datblygedig, gan sbarduno cydweithio a chreu cadwyni cyflenwi gwydn.
  • Integreiddio Iechyd a Gofal Cymdeithasol: Rydym yn gweithio’n uniongyrchol gyda phartneriaid iechyd a gofal cymdeithasol i ganfod heriau y gellir eu datrys drwy arloesi, gan greu gwerth economaidd ar yr un pryd â gwella canlyniadau i gleifion.
  • Cysylltedd Ecosystemau: Rydym yn pontio’r bwlch rhwng eich busnes ac adnoddau hanfodol, gan gynnwys cyrff llywodraethol, arbenigwyr clinigol, a rhagoriaeth academaidd.

Pwy sy’n gymwys i gael ein cymorth?

Rydym yn gweithio gydag amrywiaeth eang o bartneriaid i helpu i wneud Cymru yn gyrchfan fyd-eang o ddewis ar gyfer arloesi ym maes gwyddorau bywyd:

  • Busnesau Gwyddorau Bywyd Cymru: O fusnesau newydd uchelgeisiol i fusnesau bach a chanolig a mentrau mawr sydd wedi ennill eu plwyf, rydym yn helpu cwmnïau cynhenid i ehangu eu hôl troed a’u heffaith.
  • Partneriaid Arloesi: Rydym yn gweithio gyda busnesau sy’n ceisio dod yn rhan o ecosystem Cymru, gan eu helpu i ddod o hyd i’w lle yn ein seilwaith ymchwil a chlinigol.
  • Darparwyr Iechyd a Gofal Cymdeithasol: Rydym yn gweithio gyda byrddau iechyd a phartneriaid gofal cymdeithasol i ganfod sut gall arloesi ddatrys heriau rheng flaen ar yr un pryd â sbarduno twf economaidd rhanbarthol.