Mae Ecosystem Iechyd Digidol Cymru (EIDC) yn dwyn ynghyd ddiwydiant, clinigwyr, llunwyr polisi, academyddion, arloeswyr a chyllidwyr i greu amgylchedd o arloesi digidol ym maes gofal iechyd Cymru. Rydym am ei wneud yn hawsach ac yn gyflymach i fabwysiadu technoleg gofal iechyd digidol yng Nghymru.
Mae’r Ecosystem Iechyd Digidol Cymru yn bartneriaeth rhwng yr Hwb Gwyddorau Bywyd Cymru a Gwasanaeth Gwybodeg GIG Cymru ac mae'n cael ei ariannu gan raglen Effeithlonrwydd drwy Dechnoleg Llywodraeth Cymru.
- Rydym yn agor systemau a data GIG Cymru i ddatblygwyr drwy blatfform o APIs, yn lleihau amser datblygu ac yn sicrhau bod cynnyrch yn fwy addas i anghenion GIG Cymru
- Rydym yn dod â rhanddeiliaid o bob cwr o'r gymuned iechyd digidol at ei gilydd i fynd i'r afael â'r rhwystrau a'r heriau o fabwysiadu a chyflwyno, gan gysylltu prosiectau â phartneriaid a ffynonellau cymorth
- Rydym yn cynnull y gymuned iechyd digidol trwy ddigwyddiadau, cyfryngau cymdeithasol ac ar-lein i arddangos arfer gorau, treialu dulliau a systemau newydd, gwerthuso'n wrthrychol lle gellir cael yr effaith fwyaf a rhannu'r wybodaeth honno ledled Cymru
I ddarganfod mwy am y rhaglen, ewch i wefan EIDC ar gyfer popeth iechyd digidol www.iechyddigidol.cymru.
